07 Aug 2009, 06:02 PM
|
|
هذه القصيدة قالها الشاعر بسيس حديد بمناسبة قدوم شهر رمضان المبارك
ضيف كريم ايغيب عنا ليا الحول=ياخذ سنه عنا وجانا زياره
ضيف من الخالق على الخلق مرسول=يبا يزودهم عروض التجاره
كل يعرف الضيف ماهوب مجهول=زيارته حلوه بليا مراره
ضيف علينا طبق الفعل بالقول=احدن حصل له ربح واحدن خساره
احدن كتابه في يمينه ومقبول=واحدن كتابه ياخذه في يساره
ضيف نهار العيد ماشي على طول=اخذ شهر معنا وطبق قراره
ضيف على الاسلام وابليس معزول=وعلى قدوم الضيف نعطي البشاره
ضيف على اهل الخير والاجر مدبول=ومودعين الضيف تالي نهاره
احدن رصيده دوبه الخبز والفول=واحدن بناله من رصيده عماره
وصلوا على من طب فالقدس محمول=على البراق اللي سريع فراره
توقيع : فواز بسيس | سبحانك اللهم وبحمدك |
|