شبكة الشدادين - عرض مشاركة واحدة

توقيع : نورة

.فتة الباذنجان

الطبقه الاولى

اربعه ارغفة خبز مقطعه مربعات صغيره ومرشوشه بقليل زيت زيتون وتفرك قليلا وتوضع بفرن حار من تحت وفوق لما يتحمص الخبز ويتحمر.

الطبقه الثانيه

حبتين باذنجان متوسطه مقطعه مكعبات صغيره ومقليه _ اربع حبات طماطم متوسطه _ ثلاث فصوص ثوم _ ملعقة طعام صلصة طماطم _ ملعقتين طعام دبس رمان _ عصير نص ليمونه _ شوية كمون وفلفل اسود وبابريكا وبصل بودر وملح. في مقلاه عميقه نحمر الثوم في شوية زيت ونصب فوقه الطماطم المطحونه ونضيف لها الصلصه والبهارات والملح ونقوي النار لما تثقل ونضيف لها دبس الرمان والليمون ونقلب دقيقه ونضيف الباذنجان ونقلب بالراحه ونطفي عليها.

الطبقه الثالثه

بصله كبيره مفرومه _ قرن فلفل حار مفروم _ ثلاث فصوص ثوم مفرومه _ كاس ونص لحم مفروم _ نص ملعقه صغيره لكل من كمون وفلفل اسود وبابريكا وبصل بودر وقرفه _ نص ملعقه صغيره ملح _ ربع كاس بصل اخضر مفروم. نحمر البصل ونضيف الفلفل والثوم واللحمه والبهارات والملح ونقلب لماتستوي اللحمه وتنشف ماءها تماما ونطفي عليها ونضيف البصل الاخضر ونقلب. الطبقه الرابعه اربع علب زبادي ( روب ) _ فصين ثوم مفرومه _ ملعقة طعام طحينه _ ملعقتين طعام خل ابيض _ نص ملعقه صغيره ملح. تخلط مع بعض ا لطبقه الخامسه نص كاس صنوبر مقلي اوشرايح لوز مقشر ومقلي. ورشة كزبره خضراء اوبقدونس.

الطريقه

بصينيه اوبطبق عميق نوزع الخبز المحمص ونضع فوقه خليط الطماطم والباذنجان وفوقها اللحمه المفرومه وفوقها الزبادي واخر شي نرش الصنوبر اواللوز ونرش عليها شوية كزبره مفرومه اوبقدونس وبصل اخضر مفروم وبالعافيه عليكم ممكن تضيفو مع الباذنجان حبة بطاطس مقطعه مكعبات ومقليه وممكن تشوو الباذنجان والبطاطس بالفرن بعد تقطيعها ورشها بقليل من زيت الزيتون الكميه تكفي سبعه اشخاص