بنيت الي قاف بعد مابدا النور=قبل الصلاة ودق في القلب حساس
دنيا تبيح السد والله من الجور=محدن سلم منها غرابيل واتعاس
كلن علاه تكثر الهم والدور=ومن حبها تاليه يبشر بالافلاس
ياللي كتبت الخط وارسلت مشكور=اعجبتني والله يفكك من الباس
يابن علي جعلك من الشر ماجور=ترج في ربك ولاتقطع الياس
مرضك ذا ماعالجه كل دكتور=دكاتره في الطب من كل الاجناس
هذا المرض له عدة سنين واشهور=راحت حياتك بين قالي وحماس
ومجار يارجل له البيض منشور=معزته من عندنا ترفع الراس
اطلب عسى اللي مات في جنة الحور=واصبر كما صبري عن اخوي هباس
حالي كما عمود من السدر مكسور=خضر الورق طاحت والاغصان يباس
ياقلبي اللي كن يصلاه دافور=وطرى على بالي ثمانين هوجاس
خمسه تبا مكه وخمسه تبا الصور=وخمسه عروس البحر من دون غطاس
وخمسه تبا الباحه وتمشي مع الطور=تمشي ولاتجلس على غير مجلاس
وخمسه تبا المنزال من عن وحدور=وخمسه تبا الخرمه وخمسه تبا فاس
وخمسه تبا وادن من الوسم ممطور=وخمسه تبا ترعى خزاما وبسباس
وخمسه تبا الطايف عمارات واقصور=وخمسه تبا درب الحويه مع الناس
وخمسه تبا بيت النبي فيه مقبور=وخمس الفروض ومن بغى زود لاباس
وخمسه تبا حايل على افراح وسرور=وخمسه يبون الحفر والحفر حساس
وخمسه يبون العاصمه بيت معمور=دار الملوك اللي لنا درع والباس
وتفرقو ترى الوعد شهر عاشور=ولا نشب دباس في حلق عباس
يالايمي جعلك تسافر على المور=ويبيح عنك الزاد وتشوف الاتعاس
وصلاة ربي عد من حج ويزور=على من امر بالهدى صفوة الناس