لقيت في البخشة طيوربلا ريش=جنحانها وانيابها دقم وقصار
طيور ومرباها من السوق للحيش=وان اونست لفح الهوى تزبن الدار
يمشون في الاسواق مثل الدراويش=وان اذن المذن يهجون عبّار
فيهم طبوع من طوال العكاريش=وفيهم من الخرفان تدويج وخوار
قضوا على اللحية وحطوا دناديش=وقاموا يحنون البراطم والاظفار
وماتسمع الاويش زيك وقد ايش=ويطرب ليامن سمع عود ومزمار
جيل خبيث لو يجي فيه تفتيش=ظهر كثير منه اناثى له اذكار
جيل يسمون النشامى شواكيش=واهل اللحى بافكارهم مالهم كار
اهل اللحى صبيان نجد المداغيش=اللي لهم فضل على الضيف والجار
يوم السنين اشداد والرزق تنويش=وهم يبوجون الفيافي والاقفار
ذولا جماميل وذولا طراريش=وذولا لهم جوله على قحص الامهار
واليوم كثر الامن والرزق والعيش=وقت تساوت فيه الاذرع والاشبار
يظهر شبابه ناعم مابعد هيش=فيه الولد يظهر كما عشبة النار