يارشيد يامشكاي ماعنك خافــــــــــي = اليوم جفني ماتوقف ذريفــــــــــــــــــــه
العود راح ولا بضني يشا فــــــــــــي = وعليه دمعا تي دوام نزيفــــــــــــــــــــــه
اللي على شوفه عيوني ولافــــــــــي = والحا ل من فقده غدة تقل شيفـــــــــــه
واليوم هذا بشــــــروني بلافــــــــــي = جابه لنا يارشيد ربي خليفـــــــــــــــــــه
أبكي فرح يارشيدمابي خلافــــــــي = غصب علي القلب حن لولفـــــــــــــــــــــه
اطلب عسى الجنة لجدك لحافــــــي = يسكن على ارض عشبها كالقطيفــــــــه
مع الصحابة مسكن له يشا فـــــــي = هدم نظيف ودارخلد نظيفــــــــــــــــــــــه
يامامشى بالليل والسبت حافــــــــي =وياماركض لأجل العشاوالطريفـــــــــــــه
وعلى البطون يربطون الغدافــــــي = وقت صعيب والمعيشـــه كليفـــــــــــــــه
نشبع وهوبطنه من الجوع هافــــي = ونرقدوهويسري بحال كسيفــــــــــــــه
الثوب جا به مع جد يد الغد افــــــي = ويفرح لياشاف الملابس نظيفــــــــــــــــه
لياجا الشتاءيضفي علينا اللحافــــي =ولياصاح واحدناحياته يعيفــــــــــــــــــه
والوالدة فضله على الكل ضا فـــــي = حقه علي كبرالجبال المنيفـــــــــــــــــــه
تفزلوجفنه من النـــــوم غا فــــــــي=تقوم لنا المطلب بنفس خفيفــــــــــــــــــه
أمك بوسط فؤادها لك ملافـــــــــــي =لياصحت قلب أمك تزايدرجيفــــــــــــــــه
ليامرضت عينه تدفق الدمع صافــي =عساه ماتعالج عونه كفيفــــــــــــــــــــه
تبرناخفيه تبي ماتشافـــــــــــــــــــي = تخاف من نظرة حسودمخيفـــــــــــــــــه
تصلح لناخبزونوب رهافـــــــــــــــي =ونعطى رغيف ونوب نعطى غريفــــــــه
وتطلب لناالصحة وضافي العوافـــي= ومن شان شبعتناعشاهاتعيفـــــــــــــه
تشقى لنايوم السنين العجافـــــــــــي = نوب تخيط ونوب تدرج سفيفــــــــــــــه
تروي قراح عذب من ماي صافــــي = وتعلق لنا القربة بظل السقيفــــــــــــــه
ويارشيد ترمابه على الله خافــــــــي = أبوك أنايارشيد وأمك لطيفـــــــــــــــه
مستوره ولسان صامت ودافـــــــــي = وعرض نزيه والشمايل عفيفـــــــــــــــه
ممابقلبي قمت اجيب القوافـــــــــــي = دنيا تفرق غالي عن وليفـــــــــــــــــــه
نبي منك ماجوبنا يا لسنا فــــــــــــي = وكل المغازي باخرتها نكيفــــــــــــــه
أشوف في تالي الزمان أختلافـــــــي =وأشيا يحزببسرة القلب سيفـــــــــــــه
وتم الجواب وماذكرناه كا فـــــــــــي = وصلوا على من سن دين شريفــــــــــه