27 Aug 2006, 07:04 AM
|
|
مجاراه لقصيده بدوي فاهم (عشق بدوي )
.
بين دمعاتـي وقلـبٍ منجـرح بسبـاب خلـه=ليلـة البـارح سقانـي ليلهـا كايـد عذابـه
بين كيف ! وبين ليه؟! وبين يمكـن أولعلـه=تاهت افكاري وانا اسأل وين ابلقالـه اجابـه
السؤال اللي يراود خاطـري وازريـت ادلـه=للطريق اللـي يـدل الفكـر وينـوّخ ركابـه
هو نساني ؟ هو جفاني ؟ او كره حبي وملـه=واعذابي كان غيري عن نظر عينـي غدابـه
وياعسى ماجاه منـي ياخطـا او كـان زلـه=كيف ؟ لا لا ما أظن ! وليه ما أرسلّي عتابـه
طالت الحيره وغاص الفكر في اللي فات كلـه=انبش الماضـي وادوّر عـذرٍ إيبـرر غيابـه
وانكسر عزمي على طرفٍ غزير الدمع هلـه=والتوى فكري على غيبوبتي مـن زود مابـه
لحظةٍ فيها رحمني الوقت من شوقـي وغلـه=واغلق اجفان السهر عن داجي الحزن وضبابه
ماصحيت إلا بصرخة ضايقٍ في النفس حلـه=قلت : وش هالصوت قال الله يجازيها الصبابه
يالزمان اللي وطى عكف الشـوارب بالمذلـه=كيف لجل الحـب رجّـالٍ يضيـقٍ بـه ثيابـه
يابدوي والخلق حولـك عـد نجمـات مطلـه=ليمتى وانته تبـوج البيـد وتنـادي سرابـه
قلـت هـات العلـم قـال العلـم لازم تمتثلـه=والعهد من بيننا الليلـه نبـي نكتـب كتابـه
قلت سم ابشر وقال : العلـم صافـي لا تزلـه=الهوى ياكثر من راحوا علـى دربـه نهابـه
مير قلبك لا عشق مدِّه لقلـبٍ مـا يـقٍ لـه=لا تحطه في يدين اللـي تفنـن فـي مصابـه
بعدها يـا حيلـة الله عقـدةٍ مـن دون حلـه=غلطةٍ عزي لمن هو ما ضربها فـي حسابـه
وعز نفسك والغرام اللي يـذل النفـس خلـه=لا توانى إلضعف قلب العشق لو يدمي صوابه
الولد خطوات عمـره تنحفـظ داخـل سجلـه=كيف لا قالوا تبع لـه مقفيـه بـأول شبابـه
يا بدوي لو فيه شمس إمن امس بانت مسفهله=وانت مشقي يا ولد نفسـك بتنسيـق الكتابـه
انتبه للوقـت فـي ذا الوقـت والله ثـم والله=كان ما انت بذيب يـا رجّـال تاكلـك الذيابـه
قلت يااهل العشق دام الخل يرضـى ذل خلـه=بشّروا عـزي بعـزّه والهـوى قفلـت بابـه
.
يابدوي صحّ الله لسانك وعلمك في محله = المحبه تفقد الرجال قدره والمهابه
ينسلب عقله وجسمه بالغلا يمكن تشله = ويفقد التركيز والتفكير ويضيع الرجا به
من يحسب ان المحبه شرب فنجالا ودله = مادرى ان العين والاهداب والمبسم عصابه
كم وكم من غافلاَ عنها وقامت واشّرت له =وشال قلبه من حشا صدره على كفّه واتا .. به
مادرى انه بعد حب المستحلّه حلّ قتله = وما درى انه من ضحايا الفاتنه... حضرت جنابه
ان تمشّت فالحشا قلبه حرام لتستحله = وان تجلّت في عيونه شافها مثل القرابه
ما لحكما تحكمه في ذمتي شرعا ومله = ولا يسجل في نظام الداخليه والنيابه
استباحت حرمت العاشق على ما خططت له = علّقة قلبه وجرت له مساحيب الربابه
فاتناً ترقص على شان الحبيب وتستغله = وان لقت غيره... تعاكس له ...ولا فيها غرابه
الغرابه كان ابه حب مثل عنتر وعبله = يوم حب العبد من قلبه ..بقى ذكره أعجابه
فالمجالس والمدارس والصحافه والمجله = كن مابه حب غير الحب هذا وانتهابه
وما جرالك يابدوي حتى الرهاوي جاري له = مير ما في حالنا حيله ولا فينا طبابه
ولو قفلت الباب عنها فالدريشه مدخلا ..له = يالله يالله سترك الستار يارب الصحابه
حالة العاشق مثل عشق بدويا يطرد ابله = عشقتا ...مدري ولع!!... مدري بلاَ له!!! وابتلابه
كل ما سالت مقاديم المزون المستهله = وازهرت منها الفياض وصارت الروضات غابه
استسنّت فالمراح ابله ..ودوّر وجهت له = لو ورى العقم العراقي لجلها ينقل زهابه
المسافه والحسافه والكلافه ماطرت له = المهم انه يواصل فالطريق اللي مشابه
ياهجوسي ساعديني دام جويّ صافيا له = اسعفيني وادركيني في مجاراتي جوابه
القصيد الزين يجذبني واجي مسترسلا له = في ضميري له قبول وله محبه واستجابه
يامشا الله بارك الله فيك يالقرم الجبله = الثقافه والخواطر والمعاني والخطابه
يابدوي يوم القصيد احترت في دقه وجله = شاقني معنَا كتبته زايدا عنا نصابه
توقيع : الرهاوي |
شامة في خدها الأيمن على حد الشفايـف=وشامة في خدها الأيسر على مفرق حنكها
والعيون اللى تتل القلب من خلف النحايف=لا صغار ولا كبار ورمشها يحرص فلكها
ياحياتي ياغناتي وش بقى؟؟.. ياماي لايف=والله ان روح من أسبابك بدت على وشكها
الرهاوي
|
التعديل الأخير تم بواسطة الرهاوي ; 27 Aug 2006 الساعة 11:23 AM
|