فاحت دلال الهجوس اللي لها مده = زليتها في كبيرة خيرة دلالي
فاحت على جمرها من لاهب الجده = و بهرتها من فريد البن و الهالي
صبيت فنجالها المعسول وامده = للي قريحه من ابيات الشعر خالي
قافٍ ينومس جزيل الند مع نده = ويصف له كل بنت وكل رجالي
ياكاتبين الشعر كلٍ عرف حده = وانا حدودي تعدت ضرب الامثالي
بنتٍ عشقت الشعر وابيه واوده = لو ينصحوني عنه حساد و انذالي
مقدر على جفوته مقدر على صده = كيف آتجنب عنه و اشتت آمالي
بنتٍ تحوف الجزال وبيحت سده = يرخص لسبك القصيد النادر الغالي
لو برقعي يكبت القيفان ب اقده = و البس بدال البراقع ثوب و عقالِ
و الفكر لا عارض الطرقين واحتده = أب اتبعه كل ماصّوت و نادا لي
أرضي فضا و السما من فوق معتده = يمطر بها الغيم الأسود كل ماجا لي