عرض مشاركة واحدة
  [ 1 ]
قديم 26 Aug 2007, 06:44 AM
عضو متميز

سهم المنايا غير متصل

تاريخ التسجيل : Jun 2007
رقم العضوية : 3179
الإقامة : saudi arabia
الهواية :
المشاركات : 928
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
قصيده للشاعر مصلح بن عياد



بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين **** امابعــــــــــــــــــد========

سيدي حنا الشلاوى مانحتاج اتعريف الولاء مشروبنـا والوفـاء زوادنـا
بيت من القصيدة التي القيت على مسامع ولي العهد === من وفد قبيلة الشلاوى وهم يستنكرون الارهاب
يالله يالمعبود اجرنا من اليوم المخيـف =يوم تذهـل مرضعتنـا تشيـب اولادنـا
ياجليل الملك ياجاعل البيـت الشريـف =قبلـةٍ لوجيهـنـا ثـالـثٍ لااعيـادنـا
لا إله إلا أنت ماعنك صد ولامصيـف =ياكفيـل ارزاقنـا وارضنـا واسـيادنـا
والله يمين القسم لو يزيد القيـف قيـف =مانطـاوع فـي بلدنـا وفـي قيـادنـا
والذي تسجد له الخلق بالحزم النظيـف= مانجنب عـن عهدنـا وعـن ميعادنـا
لو يسيل الدم من حضرموت اليا القطيف=الملـوك ملوكنـا والـبـلاد بـلادنـا
الشريعة واضحة والعدالة حـد سيـف = والعمولـة وحّـده كاشنـا واقصـادنـا
عندنا شهب المقاضيب والحد الرهيـف =السيـوف سيوفنـا والزنـاد ازنـادنـا
حجة الكذاب نضربهـا وجـه العنيـف =كلنـا يـد وحـده جمعنـا وافـرادنـا
نجذب الارواح ونتلهـا تـل العسيـف =لين تشرب جغمة الموت مـن ميرادنـا
دقت الساعة وبان الثقيل مـن الخفيـف =وانحسم تعـداد الانـذال مـن تعدادنـا
ياهل الراي الغلط ياهل الدرب القصيف= كـل مايكثـر غلطكـم يزيـد اعنادنـا
الذلـول الجيـدة مايثقلهـا الـرديـف=الرسـن بيديننـا والـشـداد شـدادنـا
ليه توزيع الجماجم على حيد الرصيـف= ليه قتـل ضيوفنـا ليـه قتـل احفادنـا
لاجزيتوا خير ماعندنـا ديـنٍ ضعيـف=الشهامة طبـع ابآنـا وطبـع اجدادنـا
عندنـا الايمـان بالله والديـن الحنيـف = والرسـل منـا وفيـنـا ودم اكبـادنـا
المساجد عامرة للمضيـف والُمضيـف = مانحـط اجباهنـا الا علـى سجـادنـا
نهتدي بالهدي ونعدي الرجـم المنيـف = وإنتكافـا الشـر ليـن العـدو يعتادنـا
ثم نمشي لين ناطا على الخد الصخيـف= في عيـون اللـي يبينـا نـدق اوتادنـا
عندنا ما عندنا ما على الدنيـا حسيـف=المهـم إنـا نصيـد العـدو ماصادنـا
نطلـب الثنتيـن والله بعبـاده لطـيـف = النصـر والا الشهـادة هـذاه اجهادنـا
الجهاد اللي على حق نمشي به صفيـف =نحتمي به شرعنـا وارضنـا واسيادنـا
العلم مرفوع من عهد ابوبكـر الخليـف= ماعلينـا مـن عدانـا ومـن حسادنـا
ماحكمنا الفهد بالظلم يآكـال الرغيـف =ماحكمنـا الا زعيـمٍ يحـب اروادنــا
جعل عينٍ ماتحب الفهد تصبـح كفيـف = الزعيم اللـي حكمنـا وفـك اقيادنـا
عاش ابومتعب ذرانا ليا ناض الخريـف = قصرنا اللي في ركونه نحـط اعتادنـا
الأسد الواعي اللـي لنيبانـه صريـف=يسهر الغابـة وحنـا يطـول ارقادنـا
عاش ابوخالد وحنا لابوخالـد سعيـف= من شماله فـي يمينـه نحـث اجيادنـا
قوة من تحتنا الارض يركبهـا رجيـف=درع أبوخالـد وهـو درعنـا وسنادنـا
ياوزيـر الداخليةلـو الموقـف كليـف=ادعنـا وابشربنـا روسنـا واعضادنـا
كلنا قوات امن لاضعيـف ولاطريـف =لاتنشّدنـا عـن الـذل يــا نشّـادنـا
ان تقدمنا فرقنـا وليـفٍ عـن وليـف=وان توخرنا رصدنا الهـدف
ماتحسفنا الرتب من فريق اليـا عريـف=نادنـا يابومحمـد بالاسـمـاء نـادنـا
ما خلقنا الله عبث للربيـع وللمصيـف=إن بلينـا وان صبرنـا تزيـن انشادنـا
العدا حطوا لنا مـن مساحينـا عطيـف= والعطيـف المنثلـم فـادنـا مافـادنـا
حسبنا الله اللي انجى رسوله من ثقيـف = سيفنـا سلطانـنـا نـورنـا مقـدادنـا
ياملوك بلادنـا مـال دولتنـا وصيـف = شربكم من شربنا زادكـم مـن زادنـا
الشهامة طبعكم والشجاع الكـم حليـف=ياذرانـا ياسعـدنـا ويــا روادنــا
ياعيال معشي الذئب بالسيـف النحيـف=عـن غلطنـا ردنـا للبطولـة قـادنـا
ابشروا واستبشروا طبعنا طبـعٍ عفيـف =تشبع السرحان فـي حربنـا واطرادنـا
العنيد نطوعه والعـدو يرجـع معيـف =قوم في مرواحنـا قـوم فـي معوادنـا
سيدي حنا الشلاوى مانحتـاج اتعريـف=الـولاء مشروبنـا والوفـاء زوادنــا
من بن الحارث جنود الفهد درعٍ سديف=ماتحدرنـا العواصيـف عـن مسنادنـا
والسلام ختام والصقر لجناحـه رفيـف=والملـوك ملوكنـا والـبـلاد بـلادنـا


توقيع : سهم المنايا
التعديل الأخير تم بواسطة عيد الشدادي ; 26 Aug 2007 الساعة 08:12 AM

رد مع اقتباس