شبكة الشدادين - عرض مشاركة واحدة

توقيع : عســــــــــولة

السلام عليكم ورحمة الله وبركاته
بناء على طلب بنت خالتي أقولكم يومياتي وافقت وجيتكم
طبعاً نبدأ من البارح ...خرجت مع بنات خالتي لبنده وقضينا اللي نبيه ورجعنا البيت قمنا نشيل الأكياس مع الشغالات
ساعه نطلع درجه ساعتين نضحك نسمع صوت فلانه طاحت تحت هههههه كانت الأكياس ثقيله..طبعاً كيس الرز كان تحدي وشالته عسولة وهي تقول والله مكسر كلمتي وانا بنت أبوي يالرفلات هههه ساعه توقف تاخذ نفس وعلى طول تطلع طبعاً الشباب كانوا برى ومستحيل نستناهم هههه..
المهم طلعته ولما وصلت جاها شد وتصيح والله خفنا في البدايه لانها ضيعت النفس وجات أمها وقالت علامك يابنت أبوك بس سمعت الهرجه ضحكت وقالت الله لايعوده وربي قطع حيلي المهم رحمه فيها شلنا باقي الأغراض وطلعنا
وسولفنا الين جاء وقت السحور وقمنا على المطيخ طبعاً سوينا كبسه لشباب وحطيناه لهم بالحوش..واحنا ذبحنا الرجيم هههههه تسحرنا سلطه وماء >>>والله ماكان لنا نفس نمشي وناكل ببنده هههه
المهم صلوا الشباب وناموا على طول ..واحنا ظلينا الين تسعه اللي نامت واللي تهاوش بزارينها مسوين قلق لنا مو راضين ينامون......ولما جات الساعه 12.30 جاء زوجي خالتي وطرق طرق طرق ههههه على الباب قمن صلاه صلاه خافن ربكن مو منكن من السهر ....قمنا وفتحنا الباب كنا مقفلاته خايفات من المويه البارده ههه المهم قمنا ولقينا امهاتنا يسولفون بالصاله وصلينا جلسنا شوي وعلى المطيخ قسمنا الطبخ أخت عسوله عليها الشوربه والأيدامات..وعسوله المقلقل والسلاطات..وأنا وأختي الحلى والسمبوسه والمالح...شمرنا وبدينا ماكنا نسمع غير أستغفر الله أستغفر الله >>>عسوله كانت تتوجع من ظهرها>>على باله بنقول ضعيفه رحي ارتاحي ..اقول اشتغلي ههههه
طبعاً خالتي كانت تشيك علينا>>> قالت أختي يا ااااااااااااااااااااالله وين الرقاق قالت عسولة لاتقولين>>قلت والله شكلكم نسيتوا تشترونه...راحت عسولة طيران يابو فلان >>>تنادي ابوها كان على الساعه 5 تقريباً وكانوا يسولفون >>>قالت كذا خافت تسمع كلمه شي ههههه قال هاتي العلم قالت الرقاق مافي طبعاً راحوا الشباب وجابوا رقاق وسريع سريع لفيناها..الا وبنت خالتي تصيح طلعت أختي العشم خايف من الزيت وصارت ترمي السنبوسه بالزيت وطار على يدها هههههههه جات عسولة وقالت اقول قطعي السلطه وانا اقليها>>>شويتي أختي طبعاً أختي كانت أصغرنا ودفشه
حطينا سفرتنا >>>طبعاً سفره لشباب بالحوش وأحنا بالشقه..وافطرنا الا عسولة بس لبن وقامت وصلت ونامت من شده الألم والأن هي على السرير متمدده
والحين حاطين قهوتنا وحلانا نسولف ونتقهوى

أتمنى استمتعتوا معي ..صراحه انا من كم يوم عند خالتي وكنت اتابعكم معها وحبيتكم وبإذن الله اصلح جهازي وأسجل