الحزن تابوت
السلام عليكم ورحمة الله وبركاته
صباح الخير / مساء الخير
اتمنى من الله عز وجلّ قبولها
لنواظركم ... الطاهره
مدخل .../
لا دقّ القلب لا تسأل من الطارق ؟!
............... لو انّ ما شفتها قدام تسمعها !!
السحاب اللي سبق بارقه ماه =انعش القرطاس لـ الجرح القديم
و ارتجل همه مواويل و غناه =يا عسى ترحم عبادك يا رحيم
أنقضى ليله و لا عاين سناه= و لابقى من جمرها الا رميم
تلّ قلبي تلّ من فاقد ضناه= لا طلب حقه اخوه اللي غريم
و الا تلّه تلّ من ربي بلاه= عـــم للي خان بِ الدنـيا يتــيم
تله اللي مادمحت الا خطاه= امتحالي زلّته مثل النسيم
ان لفحني قلت : ذا داه و دواه= و ان عصفني قلت طفّاله ظريم
ما وعيت الا و في دمي غلاه= انزرع و اقفيت ادوّج به اهيم
دربه اللي ما حدٍ قبلي مشاه = اوّله و اتلاه و الموسط سليم
و ما خذا الا وانا ادري وش خذاه= سَمّها دامك تسميها نديم
ما يهم الكون ما دامي معاه = النقط من "ح" خلاّها لـ "ج"
له جديلٍ خالقي ربي كساه= ماخذٍ من ليلنا اللون العتيم
و السهر عنّا في رمشه ثم غشاه= مذبله كنها زهر روضة خريم
قد عنق و طول و شفاه و جباه = من لمحها قال : غطّوا يا حريم
يا جعل ما يزرع العاذل جناه = يستسيغه لا شرب ماء الحميم
ما يحس الجمر الا من وطاه =و ما يوكد ما كتبت الا الفهيم
الشعور ان هبّ ما قدمه ذراه =و ما يذرّي كود ما منها هشيم
الحزن تابوت و الضحكه حياه=و الفراق اقسى من دموع اليتيم
مخرج .../
ترى أقسى من " الفرقى " من " تفارق " !!
............. تودّعها و لكن ما تودّعها !!
التعديل الأخير تم بواسطة شيهانة المرقاب ; 18 Apr 2013 الساعة 12:05 AM
سبب آخر: التنسيق
|