شبكة الشدادين - عرض مشاركة واحدة - قصيدة محمد الروم بحفر الباطن عند استقبال الشدادين

الملف الشخصي للكاتب · توقيع : عطه خير

السلام عليكم ورحمة الله وبركاتة

قصيدة قيلت بمناسبة استقبال افراد قبيلة الشدادين بحفر الباطن

للشيخ / سلطان بن علي بن مهرس الشدادي وربعه الشدادين

يوم الجمعة الموافق 1437/7/3 بقصر السلام بحفر الباطن

يالله على بابك وانا عبدً فقير
لا انسد باب استغفرك وتفك باب

اتوب لك وابدا بذكرك واستجير
من لاهب الرمضا ومن يوم الحساب

البارحه ف الثلث ماقبل الاخير
عنيت رجلي فالشوامخ والهضاب

اطوع الافكار واحث المسير
لين انحجب بدر الدجا والنور غاب

صدرت من وادن يهيم ابه الكثير
ووردت عدن فيه مالذا وطاب

فيه الدرر منسوجتن نسج الحرير
عنونها مجدن يخلدها الكتاب

واللي ما يحما وقفته مافيه خير
عيبً على الرجال يرتاب ويهاب

يامرحبا والسابقه ذالليل غير
ترحيبتن يرفلها غر السحاب

ترحيبتن تزها سموك يالامير
حفيد من قاد السرايا والركاب

يوم المناصب ذاك امير وذا وزير
ماجاته الشيخه بمال وضحك ناب

جاته بحد السيف وشداد البعير
وفعلن تلين اله الرواسي والرقاب

لا صاحت العذرا ونادت ياعجير
لعيونها هذا قتيل وذا مصاب

يوم انها بالرمح والسيف الشطير
ربعي بن الحارث مرويت الحراب

الله خلقنا للعدا شر وشرير
ان طاعنا ولا نطواله العذاب

واللي طمع فينا ضحا اليوم الكبير
يلقى نهارن يشبع بطون الذياب

من ضربنا ما يجبر العضم الكسير
بمصقلن هيب قلوبن ما تهاب

واليا بطشنا شابت عيون الغرير
واللي جهل ينشد ونعطيه الجواب

وختامها يا مرحبابك يالامير
ترحيبتن رفالها غر السحاب

كلمات الشاعر / محمد بن عبدالله بن فايز الروم الشدادي