عرض مشاركة واحدة
  [ 1 ]
قديم 21 Feb 2009, 07:48 PM
عضو متميز

الأمير العربي غير متصل

تاريخ التسجيل : Aug 2006
رقم العضوية : 1787
الإقامة : saudi arabia
الهواية : السياحة والسفر التاريخ والآثار حب الطبيعه
المشاركات : 1,525
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
المحاورة الأخيرة للشاعر فيصل الرياحي رحمه الله



السلام عليكم ورحمة الله وبركاته
يسرني أن أنقل لكم آخر محاورة للشاعر الراحل /فيصل الرياحي رحمة الله والتي كانت في قاعة اليخت بالرياض يوم الجمعة الموافق 5/1/1430 وأحياها عدة شعراء من ضمنهم الشاعر تركي الميزاني والشاعر ملفي المورقي وشاعر يامي وشاعر عتيبي .
المحاورة الأولى :
فيصل الرياحي
ياسلام الله سلامٍ على خيرة وخير = يارجالٍ نعرف أفعالها وأمجادها
شفت ملفي يوم صلى مع الصف الأخير = المهم إنه صلاته على ميعادها
ملفي المورقي
مرحبابك من عتيبة وفي حلة مطير = كل يافيصل حمولة تعرف شدادها
الصلاة الكاملة حيث ماكانت تصير = والمصلي لا نقصها ولا أحدٍ زادها
فيصل الرياحي
دربنا معروف والحمل في ظهر البعير = من عرف مصدارها عارفٍ ميرادها
أنت عضو المدرسة مير طنشك المدير = صارت أكبر مدرسة ماتعرف أفرادها
ملفي المورقي
غطها بالورد الأخضر ولبسها حرير = والليال الطيبة عادها الله عادها
كل واحد ياالرياحي على روحه بصير = ويش تبغى بالفتيلة وراس زنادها
فيصل الرياحي
الفوايد روحة للفرزدق مع جرير = ياأبو وافي خلها فادها من فادها
سالفة ومخالفة مالها طيرٍ يطير = يوم شفت أم الكباير تعد أولادها
ملفي المورقي
ياالرياحي صاحبي لا تحسبني فقير = اليتامى مالفت العيون لزادها
كان مشغولٌ بالأمه ومجروح الضمير = اليهود أعثت بالأمة وخير بلادها
فيصل الرياحي
لا فقير ولا تسلمت كرسي الأمير = ربعك الهيلا وراء ماتحضر أعيادها
أنت غرتك الروابع مع الوقت الأخير = لا تجاهد غير ناسٍ يحل جهادها
ملفي المورقي
حضرتي ياهيه ماغار باليوم الكبير = ما تدخل في ومورٍ قصير مادها
=========================
المحاورة الثانية :
تركي الميزاني
عطني علومك هنا يافيصل العية = وإن كان تبغى علوم مطير تلقاها
بيني وبينك ترى الأخبار سرية = لا تدري القوم بأولها وبأتلاها
فيصل الرياحي
أنا علومي ياتركي نارها حية = واللي سمع بعضها ماعاد ينساها
كان السياسة تسمى دبلماسية = عطني ملف القضية ودي أقراها
تركي الميزاني
أنا من العام لي مقصد ولي نية = والهقوة اللي تخصك لا تعداها
ماعندي ألا قضيتك السياسية = ونهاية العلم ماهي مثل مبداها
فيصل الرياحي
أنا ما حب الخطأ والإنتهازية = والعام سمعتك الكلمة ومعناها
كانك تشوف القنوات الفضائية = يا كم قناةٍ جديدة ماعرفناها
تركي الميزاني
أنا رسمت الخطوط الإفتراضية = واللي يبي محيها وشلون يمحاها
أنا متابع قنوات السعودية = ومسجل أرقامها ومسجل أسماها
فيصل الرياحي
رسمت مير الظروف الإقتصادية = مدري تحدتك وألا أنته تحداها
ياتركي أثر الجزيرة والعربية = بلوى على المسلمين الله يبلاها
تركي الميزاني
لا بالله السالفه ماهي بعادية = اللي تغدابها واللي تعشاها
أحب هذيك لأجل عيون هذية = وأنته معارض وفي قلبك تمناها
فيصل الرياحي
أم الكباير تموت شوية شوية = عينك على زادها وألا على ماها
الظاهر إنك تجنس كل جنسية = وديان تنزلها وجبال ترقاها
===================
المحاورة الثالثة : مـــــوال
فيصل الرياحي
ياما على البال من هرجة ومن قصة = واللي يعرف العلوم أنصاه وأخصة
وإن سرت في درب ماعودت من نصة = والوقت يومٍ صديق ويوم قوماني
المجمل يخاوينا بعلمٍ جميل = مانسينا سهيل ولا نسينا الجدي
يا حليل العلوم اللي نفسها طويل = والعرب فيهم المقرود والأجودي
اليامي
ياما على البال من قصة ومن هرجة = لاهنت لاهنت يااللي تقطع الفرجة
أموت وتموت ماناكل من الحرجة = والوقت يومٍ صديق ويوم قوماني
إعتبرني خويك ياخوي العميل = مد يمناك يافيصل وأقدم يدي
إعتبرني فتى موسى لا طال الطويل = والثلاثه ثلاثه آخر مطاف جهدي
فيصل الرياحي
يامرحبا ياهلا مليون باليامي = في حلة أهل الوفاء والمركز السامي
إرفع علمك إرفعه مابين الأعلامي = والوقت يومٍ صديق ويوم قوماني
المثل قال مافي وقتنا مستحيل = يمكن تغيب عنك الشمس وأنت تعدي
ياجديد العلوم وياجديد الموديل = إسبح إمع المحيط إسبح فداك الردي
اليامي
الله يبقيك يافيصل ويبقيهم = أهل الوفاء اللي تشرف في مباديهم
خطلان الأيدي طويلاتٍ أياديهم = والوقت يومٍ صديق ويوم قوماني
تالي الوقت يافيصل بتلقى الحصيل = وإن وعدتك وفيت وجيت قبل وعدي
الجديد الجديد بجدته والدليل = إنتبه في بروقي وإستمع لرعدي
فيصل الرياحي
مدري متى جيت من نجران ياالغالي = ياالي كلامك سوات السكر الحالي
الله ياهرجةٍ تطري على بالي = والوقتٍ يوم صديق ويوم قوماني
قبل ينش السحاب وقبل سيله يسيل = ليه ترفض تصلي معي في مسجدي
يازميلي بحال وحال ماأنت بزميل = سيدك سيدك والله ماهو سيدي
اليامي
عزيتنا ياعزيز النفس والنية = ماتدري إن الفلك دوار ياالعية
أخاف تبلش بها روحة بلا جية = والوقت يومٍ صديق ويوم قوماني
لو نشوفك على سكتك عابر سبيل = دور الشجرة اللي ظلها مرقدي
========================
المحاورة الرابعة والأخيرة :
تركي الميزاني
حنا نسولف والخواطر مباهيل = وغزة عليهاالقصف فالصبح والليل
الله لا يبقي باقيه من سراييل = ياالله على بابك يافتاح الأبواب
ياأمة الإسلام ماعاد بالدعوى جدال = شوفوا أرض القدس وش حل بين أسوارها
مابقي فبيوتهم لا بنات ولا عيال = واليهود تصب فوق الأرامل نارها
فيصل الرياحي
المشكلة يوم العرب راحوا أحزاب = واليوم صرنا ضحكةٍ بين الأجناب
أسباب نعرفها لكن . نجهل أسباب = ياالله على بابك يافتاح الأبواب
الفلك دوار مابين ميله وإعتدال = وأمة محمد عسى ماتغيب أنوارها
الملك فيصل سمعنا كلامه يوم قال = أثر فرسان العرب ماتموت أخبارها
تركي الميزاني
صح للبقوم أهل النقاء والمهابه = وإزهل عيال مطير وإزهل عتابه
وإرفع على صهيون صوت الحرابه = ياالله على بابك يافتاح الأبواب
أعلنوا ياأصحابنا بالتحرك والقتال = دولة إسرائيل لابد نلعن عارها
ياالرياحي مايشيل الحمول ألا الجمال = الجمال اللي تدق الجلاد أزوارها
فيصل الرياحي
بأجيك ياتركي بجمعن يبشرك = جمع البقوم اللي هزم دولة الترك
ونقضي على المشرك ونقضي على الشرك =ياالله على بابك يافتاح الأبواب
مير أنا أشوف العرب لا جواب ولا سوال = والجمال تطيح فوق الحجر بأزوارها
لا دعانا شيخنا القرم ميال العقال = نضرب العدوان حتى يطيح شعارها
تركي الميزاني
من اليهود الحرب في كل عاما = والله مانلقى في طرفهم سلاما
أوباما بوش وبوش لا شك أوباما = ياالله على بابك يافتاح الأبواب
إن سمعنا ياالرياحي جميع اللي يقال = كبرت الدعوى وزادت وراء معيارها
أبشر إن الوضع محسوم من هاك الليال = تابع الشاشة وتسمع جميع أخبارها
فيصل الرياحي
يازين تاريخ العرب يوم نوحيه = وياشين حاضرهم وياشين طاريه
شوفوا هنيه بالمصايب نهنيه = ياالله على بابك يافتاح الأبواب
اليمين اليوم صارت تحداها الشمال =والعلوم صغارها في بطون كبارها


توقيع : الأمير العربي
تخيلـوا لـو يفـزع الجـار للـجـار = في مجتمع غاضـب وحاقـد ومشحـون
وتخيلـوا لـو تلتفـت كـل الانـظـار =للمشهـد اللـي وقفـت دونـه عيـون
وتخيلـوا لمـا رحـى الحـرب تنـدار = مابيـن حكـام العروبـه وصهـيـون
اليـا متـى نستقبـل ذنـوب بأعـذار = واليا متى نستنـزف جـروح بطعـون
نتبـع خطـأ تـيـار ونـصـد تـيـار = نبعـد وعـدوان المسلميـن يـدنـون
لوكان بقلوب العـرب صبـر واصـرار = ماكـان سـووا فيكـم اللـي يسـوون
بهمالـكـم بدلـتـم الـثـار بالـعـار =بعتم تـراب القـدس وانتـم تشوفـون
حنـا كـذا بمعـارض الـراي شطـار = لين أستوى بالمجـد عالـي ومطمـون

رد مع اقتباس