06 Oct 2013, 02:22 PM
|
|
يا ضيف
الليل شكله يجذب الهـم ويخيـف
وفيـه الثوانـي والدقايـق ثقيلـه
حل الظلام وقربت حزة الضيـف
ضيف يشارك وحدتي كـل ليلـه
ياضيف قبل اتزورني قولي كيف
القى لصداتـك وفرقـاك حيلـه
ياضيف جياتك عذاب وعجاريـف
وابغى اتخلص منك بائيت وسيلـه
ياضيف منك ادموع عيني ذواريف
وعسفتني عسف المهار الاصيلـه
وشليت قلبي شلت النـود لريـف
وشبيتنـي شـب الزنـاد الفتيلـه
لاجيت تفتح لي ملفـات لرشيـف
وتكشف لي اجروح الزمان العليله
عذبتني وانا ادمي قلبي اصخيـف
وشليت حملك والجمل مايشيلـه
ياضيف بشرني عساهـا تخافيـف
ياخوفتي لو انك راعـي طويله
من ميلة الدنيا ومن سطوة الضيف
انـا جويـر آلله وانــا دخيـلـه
الشاعر : عبدالرحمن بن بديع
توقيع : أبن مهرس Vip | لا ضاقت الدنيا عليك وتشاويت خلق الله اللي فالرخا كان واجد ومن العرب والصوت والثوب مليت وقامت عليك هموم بقعا تراجد فارفع يديك لخالقك لا توضيت وادعو تراك أقرب إليا صرت ساجد |
|