سـلام للجمرة اللي من أزل جــمره=تـحيـة الـدين واهـل الـدين فالجنه
معزوفة الشعر والتفكير والحضره=نظم الخواطر وخاطرها على السنه
العزوة اللي على الميقاف والنفره=ميقافها مـن خـلود الـعـز في قـنــه
بالحارث اللي لها بالقدر والقدره=شموخ صوب المعالي مد واضفنه
وان قلت بنيوس كسر العظم والجبره=زبن الدخيل المجلى فعل وارضنه
اليــا بـدى هدها مـا تـعرف الثبـره=والـيا بـدى جـدها مـا يعـرف الـفنـه
واللـي يـجرب فوايد يشهـد العبـره=واللي طرا له يخالف ضاع في ظـنه
واللي مـا هـو قـدها يبرك على عمره=ويجنب المـخطيـة والـحـن والــكنـه
جتك النصيحة من اللي يعرف الجره=قــدام لا تــشرح الادغــام والــغنـه
انــا عــرفتك مـن الـخـذلان بـالنـظره=وبدأ لي اقصاك من مبداك ما اخفنه
لو تلـعـن ابـليس قبل تقابـل الكسره=وتـعاف مـن صـحبة الهيمان والمنه
ما تـدري إن المتـاعب تنتج الخـبره=وان المعـارك عـطتنـا عـلم وامضنه
وان شفت الايام حلوه تتبع المره=وأن طابت ايامك القشرى بعد خنـه
لك يوم تنسى بـراد الوقت من حره=اليا شكـى حـالك الـخســران واردنــه
للشر فتره مدى والـخير لـه فتره=واللـي يـعدونه اهـل الشر يعمنه
محسوبك اللي من الباطل بنى عمره=معروف بالشين واهل الحق يكونه
وضيعك اللي يسوقك وأنت تحت أمره=بكره يخليك للصكة وكان ماكنه