سلام ياروس الحضور اللي يكفي فالغياب=سلام يابيض الوجيه الغانمه وحضورها?
ابعتذر عن كل شي واعذر الواقع صواب=مادام دور الصايبه مايختلف عن بورها
احيان غايات النفوس اللي تخطط فالتراب=من طينها تاخذ شهيق وكورت بنحورها
مثل الربيع اللي تسمى بالعرب قاد الخراب= أحفى معالم للعروبه وأحتفى بدثورها
الحاصل اني كنت في دوره تخارج بانتداب=واناشد الدوار والدوره عمد دستورها
من كثر ماهي روعه القصه بصدرها كتاب=اكتب عليه اسم الحياه اللي كبت بقصورها
حقيقه اني لاذكرت الحال قدام العذاب=ذكرت من كثر الذنوب المغفره وسرورها
الناس دانت للغروب اللي يغمض فالرحاب=ولو تطفي انوارالبلد قامت تهبش نورها
واحيان تبغى النور غازي يخترق ستر الحجاب =الله سترها مير تجتاح الستر بشهورها
بين الحقيقه والخيال الشك صادر للجواب=وبين العداله والمظالم فكرتي بشعورها
أهل الطلايب والنشايب تحفظ الفقه المشاب=يسعون بفراق القرايب واحرجوا ميسورها
مره يلقون السوى يأهل السوى روس العقاب=ومرها يجيبون الردي يشهد على منكورها
يبغوني اتركهم وربي ماتركت اهل الحزاب=اللي تجيب الزور والمنكور لجل أظهورها
واجب على أكسب مع الشيمه واعزز للثواب=واقدم الطاعه لسيدها وانا مبرورها
جيت اعتذر من قمة العليا وحضرات الجناب=واسلم السلطان جياتي وعذر أسطورها
الرفق مابين الرفاقه وزعت الجين القطاب=وبنفوسنا ذكرى الرجال الميته بقبورها