أنا الصديق اللي ليا طحت شالك=لا ضامتك دنياك والوقت بك مال
أنا يمينك شدني في شمالك=يمنى بلا يسرى ترى حالها حال
أنا عزاك وعزوتك لا جرى لك=من تاعس الدنيا هواجيس وأهوال
ماني من اللي لا أغتنى ما وفى لك=لو لك علي من الجماليل والأفضال
ما ني خويك كان وقتك صفا لك=أنا خويك لادبرت فيك الأحوال
اسمع جوابي قبل ما اسمع سؤالك=تمد لي النخوة على وصلك حبال
أنا عمى عين العدو لا نوى لك=أنول روحه قبل ما روحك تنال
بينك وبين الشمس شجرة ظلالك=ما للشجر قيمة إذا ما له ظلال