عند بن محماس يا ضيف قلي وش لقيت
يوم صادفت الرياجيـل فـي ميعادهـا
زيد
البقى بسمي وبسم القبيلة عقـب جيـت
بسم حمران النواظـر ودون شدادهـا
ما لقيت الا الكرم وانت يا مصلح وفيت
حارثياً لن لقـا لـه نقيصـه زادهـا
مصلح
اعتزا زيد العضيله بجده واعتزيت
ما غدا لي دين في كاشها وأقصادها
قام ربان السفينه وسواق الونيـت
والتماثيل اختلط ملحها مع زادهـا
زيد
العلوم اللي تباهـا تجـي لـك كمبليـت
مـا تثـور البندقيـة بـدون زنـادهـا
أنت يا اللي بعت في السوق معنا واشتريت
لـو تقيدهـا يـا مصلـح نفـك قيادهـا
مصلح
تحسب اني عنك يا زيد غافل ما دريت
والسباع العاديـه صادهـا صيادهـا
العن الشيطان واسجد ليا طفت وسعيت
لين عينك تطعم النوم فـي مرقادهـا
زيد
هات زبد العلم يا مشتقي عقب اشتقيت
من عرف مصدارها ما جهل ميراده
المشاكل خامده من بعد غزو الكويت
وابتدى التاريخ يكتب حديث جدادهـا
مصلح
الجراد الناشري محتزينـه بالفليـت
نحصده مثل البساتين يـا حصادهـا
كان ما عندي خبر لا هدمت ولا بنيت
استلمها مـن يـدي واستلـم قيادهـا
زيد
ما نت قادر لو جبت المكاين واحتزيت
لو تعطيك العـرب نـص دم فوادهـا
في طرقك قاضبه لن عديت ولن مشيت
قول ياربي تحفـظ الديـر باجوادهـا
مصلح
هيه ياللي تحسب انك على المبدا بديـت
حاد رجلك عن دروب المخاطر حادهـا
والله اني صايدك لن سرحت ولن سريت
الحراره والبروده كشفـت ارصادهـا
زيد
أنت رجل تمتني قول لي ويش أمتنيت
من حصل له قرصةً وحده ما عادها
وأعذروني إن كان هناك أخطاء إملائية
وتقبلوا تحيـــاتي