31 May 2010, 04:32 AM
|
|
مترفة / ضيدان المطيري
يامترفة ماأقول أشوفك على خير = بس أذكرك بالخير يالياسمينه
حتى لو أنك غير وأطلالتك غير = فجر فهك لون المساء عن جبينه
واللي يقول أنا هواي الغنادير= عز الله انه صدق تملين عينه
غيث تشبين الولع بالتفاكير= يافتنة الغافل عسى الله يعينه
والخاثر اللي مايجي منه تقصير = مدري وش اللي حال بيني وبينه
ضيفه ولك عندي كرامه مسايير = يذبح لك الخافق قبل تذبحينه
ماجيت أغني قصة أمك على البير = ولاقلت ياويلي على البنت زينه
ماهو خطا حتى أقنعك بالمعاذير = هذا شعور أشواقي المستكينه
والخطوه اللي ماتمل المشاوير= سرا بها ليل الغرام وحنينه
لاتحسبيني من حساب المداوير= الريح ماحرك شراع السفينه
شاعر وتضحكلي وجيه النواوير= في ساعة فيها الفيافي حزينه
أطلق خيالي للمسافات ويطير = حتى يلم الفكر في راحتينه
وأجي وتحفظني قلوب الجماهير = وأغيب وتقول الجماهير وينه
أنسان لكن في من نزعة الطير = أحيان أحس ان الفضا لي مدينه
وأنا يابنت الناس حتى الازارير = أحسها مثل الدروع الحصينه
خليني أرحل في معوة وتقدير = يامترفه ماهو بنا اللي تبينه
,
,
,
توقيع : تــرف |
وأنا الذي .. لو جِئْتَ تطلُبُه الفؤادَ .. لقُلْتُ : لَكْ ..!
عَجَبِيْ لهُ مِنْ سَائِلٍ .. أنْ جاءَ يطلُبُ ما مَلَكْ ..!!
"إنيْ أحبُّكَ" .. قُلْتُها .. فبَنَتْ بقلبِي مَنْزِلَكْ !
وزهدتُ دَهْري .. واعتزلْتُ الناسَ .. كي أتأمَّلَكْ !!
قلبي اصطفاكَ على البرايا .. واصْطفاكَ .. وفَضَّلَكْ !!
كُلُّ الحكايةِ أننّي .. أَيُّوْوووهْ .. ! كمْ أشتاقُ لَكْ !!
|
|