محاورة سهم القصيد و البرينيسي
سهم القصيد :
هلا مرحبـا فـي منتـدى الاد شـداد=رجـال الظفـر والعـز فـاول وتـالـي
واقول لك خلك حذر والحبل منقـاد=عسا الدلو مايضرب على كل جالي
البرينيسي:
يدوم البقا يا سهم والسهـم قصـاد=بحلة هل الناموس وأهل المعالـي
تقوله وصاحبكـم ورد كـل ميـراد=ولا يشرب ألا من القراح الزلالي
سهم القصيد :
وألا يالبرينـيـسـي تـــرى بـابـعـد الــمــاد=عـســى الله يـعـيـنـك فـالـلـيـال الـتـوالــي
وانا بأنشدك ويش أنت من ضمن ألأشهاد=يـقـولــون مـا عـنــدك بـطـاقــة حــوالـــي
البرينيسي :
وأنا مستعد ولـو تبـى تـروح بغـداد=ومتنـي يبـا يدحـم مـتـون الرجـالـي
أنا ياسهم مسلم ومن ضمن الأجواد=وبطاقاتنا فـي البـوك جنـب الريالـي
سهم القصيد :
ولـكـن علـيـك الـيـوم كـثـرن الانـشـاد=عليـك العـرب شالـت حمـول الجمـالـي
يــا رجــال ما يـنـفـعـك كــثــر الـتـلــداد=وش اسمك وش اصلك يا كريم السبالي
البرينيسي :
يا سهم القصيد أحذر يجي بيننا أحقاد=ولا تستمع فـي أهـل الفتـن والظلالـي
أنا فـي نهـار الوعـد واقـف بمرصـاد=أنـا كعـام خصـمـي مــورده للهوالــي
سهم القصيد :
انا ماني لبعـض السواليـف مقـواد=سألتك واحسب انك تجيب السوالي
ما دامـت كـذيـا روح يـا قـرم الاولاد=ما ابى منك مـر و لا نبـى منـك حالـي
البرينيسي :
يا سهم البرينيسي نصحكم ولا فاد=وأنا خامسي أهل الفعول الجزالي
و لا من بغيتوني أجي وقت الأعياد=أنا لغز حله و أوهبك نصف مالـي
توقيع : البرينيسي | للطيبين فقط استودعكم الله00(البرينيسي) |
التعديل الأخير تم بواسطة البرينيسي ; 13 Dec 2008 الساعة 08:13 PM
|