يازمن فيك المشاكل والمواجع والغرايب = والظروف اللي تصادفنا ليا مرت غــــــريبه
كل يوم يمر ،والثاني نرا فيه العــــــجايب = ناس تحيا في نعيم وناس طاحت في مصيبه
شفت لي شايب ولا هو ياعرب بايات شايب = عنده الأمــــــــوال وله العرب قيمه وهيبه
عنده عيالٍ ليا عدوا عطيبين الـــــــضرايب = تردع الـــــعيال ،وتبرهن مواقفها غصيبه
شاف له بنتٍ، يكمل غنجها شقر الذوايب = قال أبتزوج، ودنيــــــــــــانا بما جتبه تجيبه
وغرَب عياله،وقال(أهبوا عساكم للذهايب) = لأجل يرضيها ،يشوف اللي موالي له .حريبه
جابت عيالِ، ووروه العــــــقوبه والمصايب = ولأجل خاطرها رضي عيش المهانه والغليبه
راحت أمواله ،وما يملك من الدنيا نهايب = ياخساره راحت أمواله، ومـــــا يملك نهيبه
بعد عز، وجاه كان. اليومه جروحه عطايب = وبسبب نزوة من النزوات،صار يهان شيبه
امن ان النزوة،وزيغ العقل هي كل السبايب = وامن أن الشايب، أن جاب أبن فان الأبن خيبه