بسم الله الرحمن الرحيم
إليكم قصيده الشاعر مرزوق بن جريبيع الحربي
عندما اسئلوه عن وش اطيب مايقدم لضيوف من الغنم قال النجدي ثم النعيمي ثم الحري
قالو والبربري
قال لهم
يو م الجماعه وجهولي سوالي = بديت رايي والاجابه صريحه
قلت اسمعو ياهل الفعول الجزالي= ياعزوتي ياهل الوجيه الفليحه
البربري نعمه وذبحه حلالي = لو كان ماهو لنشاما ذبيحه
ذبيحة الكشتات وام العيالي =ويقضي لزوم اهل اليدين الشحيحه
لو هو مربى ماله اول وتالي = صغير مايسوى تعبك ومديحه
وليا لفى بيتك من البعد غالي = انصحك عن ذبح البرابر نصيحه
اذبح لهم كبشٍ سمينٍ إجلالي = وليا عزمت الجار هبهبت ريحه
والرزق عند الله عزيز الجلالي = محيي هشيمٍ هامدٍ في مطيحه
اجدادنا عاشوا بلا راس مالي = وعند الوازم يذبحون المنيحه
انته ومالك مقتفيك الزوالي = احرص على المعروف وادر الفضيحه
وصلاة ربي عد وبل الخيالي = على نبيٍ فالمدينه ضريحه