عرض مشاركة واحدة
قديم 12 Jul 2005, 02:53 PM [ 3 ]


تاريخ التسجيل : Feb 2005
رقم العضوية : 9
مواضيع : 180
الردود : 3290
مجموع المشاركات : 3,470
معدل التقييم : 25صويب الوله is on a distinguished road

صويب الوله غير متصل




 
 
المشاركة الأصلية بواسطة : ضاوي العبيدي
اقتباس
 

ياعين ليه الدمـع يغـرق الخـد ياعيـن =إبن آدم ماتعدل احوالـه دمعـاتٍ سالهـا
لو إن الدمـوع تشفـي قلـوب المحبيـن =كان عيني غدت غيمه والدمـع همالهـا
أنا دخيـل الله ياعيونـي لاعـاد تبكيـن =وفري زخات دمعك تـو ماجـا مجالهـا
أثر راعي المحبه لاغاب غاليـه مسكيـن =تقصف عليه الوسيعه يمانهـا وشمالهـا
لوهو فارسٍ معروف للأقصى والأدنيـن =لوهو يقـص طويـق وديانهـا وجبالهـا
لو هـو إبـن قـرومٍ ونـاسٍ عزيزيـن =لابةٍ بدال هروج فرسانها تشوف أفعالهـا
في المحبه كـل الأوادم شبـه متساويـن =لامعتزي تنفعه عزوته ولامراجل يرقالها
وأنا بلانـي الله بحـب سيـد المزاييـن =بنتٍ عشقت رزانتها وعشقت حتى هبالها
والله إني أتعجب وشلون هذيك من طيـن =سبحان ربٍ خلقها وبالحسن صور جمالها
كامله والكامل الله حتى عذروبهـا زيـن =محظوظ من تعشقه ومحظوظ منهو طالها
من نظرها بعينه تنقلـب فيـه الموازيـن =يقعد بوسط القوايل ويترك براد ضلالهـا
في صوتها بحه تقسـم القلـب نصفيـن =لامن تكلمت ماودي أسمع غيـر جدالهـا
ليتها عندي قريبه وتقضي معاي السنيـن =وأذوق من حمر الشفايا وأشرب زلالهـا
غيرتي عليها عضيمه من دمها بالشرايين =من دقات قلبهـا مـن همسهـا وخيالهـا
وأغار من عبايتها وغطاها وكل الفساتين =وأغار من صحنها لامنها نطحـت فالهـا
وأغار من الكحل فـي عيونهـا الثنتيـن =وأغار لامن تقهوت أغار مـن فنجالهـا
وأغار منها عليها ومن خواتـمٍ باليديـن =والسلسله في نحرهـا يالعنبـو سلسالهـا
وأغار من أهلها لاصاروا معها سامريـن =والله إني أحسد عمامها وأحسد خوالهـا
فـي قلبـي لهـا حـبٍ تعـدا القوانيـن =كلي أنـا فـدوةٍ لعيونهـا كلـي حلالهـا
ياويلي إذا سألت .. تحبني ؟ أقول:ويـن =تضيع علومي حينها وأضيع جواب سؤالها
والله أحبها حبٍ ماشفت مثلـه لهالحيـن =وأموت حين غيابها وأحيا حزة وصالهـا
عساها ترحم القلب وتعطيني من الثميـن =من وقتها ساعه أنشدها كيـف أحوالهـا
وعسى ربي يحرسها من ناسٍ حسوديـن =ناسٍ مثل البساسه تاكـل حتـى عيالهـا


ولكم تحيــــــــــــــــــــــاتي ،،،،

 
 
صحـ لسااانكـ وقلبكـ مليونـ

القصيده من الى رائعه لا استطيع فصل بويتها عن بعض (عده بيوت ببيت واحد)

لا عدمناك يالشاعر المـتألق حضور وقوه وتألق
دمت لنا بتألقك وتألق شعرك
خالص مودتيـ,,,


توقيع : صويب الوله
رحماك ربي .. إنا لله إنا إليه راجعون
الأعلى رد مع اقتباس