قالوا تعلمت قلت عناد وفراسه=اجاهد النفس والدنيا واصارعها
ودرست في مدرسة من شيبت راسه=دنيا العنا اللي قصيفاتٍ مطامعها
تلميذها دايمٍ تكتب بقرطاسه=تعطيه جملة ادروسٍ مايضيعها
والله عطانا نظر وشعور حساسه=نا خذ علوم المعرفه من مراجعها
ونساير الوقت ونقيسه إمقياسه=ونواجه النفس بالواقع ونقنعها
وترى حياة الفتى مهما قوى باسه=محفوفةٍ بالخطر والموت تابعها
من مبتدا العمر حتى يلفظ انفاسه=يمر في مرحله تكثر زوابعها
اول حياة الفتى مشوار وعساسه=مسافةٍ في عجاج العمر يقطعها
وثاني حياة الفتى تدريب وادراسه=تصعب ظروف الحياة وينشغل معها
وثالث حياة الفتى يرجع على ساسه=النقطه اللي بدا منها يراجعها
ياصل لسن الهرم ويضيع الطاسه=ويزحف مع الارض ويخطط شوارعها
وليا تلاقت متونه ورتخى راسه =ضاعة جميع العلوم اللي يجمعها