يهِز المشاعر صوت مانع أليا قال = (ولامن ضواني الليل جاني غثّا بالي)
يقول الليالي سود ياهل السهر وطوال = و أنا أقول صادق و أشهد بكل ماقالي
ليا مرت الذكرى ولاحت طيوف و أزوال = لهم بين رمش العين و القلب منزالي
تذوب القلوب من الوله و الحزن يجتال = ونزف الفراق اللي تقصاه لا زالي
ترى المشتحن دمعه على أدناة سبه سال = ياحر الدموع اللي تهامل على غالي
انا لي ثلاث أعوام أشيل الحمول ثقال = على متني اللي ماشكيته و لا مالي
اسوق القدم و عزوم صدري تهد جبال = تجبرت في ربي مع اقفاي و قبالي
عسى الله عظيم الشان سبحانه المتعال = يسوق العطا و يزول همي و غربالي