شبكة الشدادين - عرض مشاركة واحدة

توقيع : تــرف

إحم إحم ..

مساء الكادي للجميع ..

بما إني توي صاحية من النوم قلت أمسك المايك بعد قضية سلطان

عشان صوتي يوصل للجميع ..

ذكرتني أخوي السلطان بمسؤولات القبول عندنا بالجامعة

بجد بعض الحريم ودك مايمسكونهن منصب تجيك الوحده متهاوشه

مع رجالها وحالتها يرثى لها وتتهاوش معك كأنك أصغر عيالها وبدون سبب

وخصوصاً الفوضوية لازم بوقت التسجيل تكون الدنيا قايمة جالسة واللي معه

واسطه وخروا عن طريقة وقسم بالله أوقات تسجيلي كانت وحده من صاحباتي

أبوها عميد في الجامعة واللي قدامنا آلاف مؤلفة من البنات وأمهاتهم طلعنا

وأخذت ملفاتنا وبإتصال على مسؤولة القبول قامت والإبتسامة شاقة حلقها

وأبشروا وأبشروا يعني الدعوة لعب بلعب معك واسطة بيحطونك بعيونهم

تجي عادي يبهذلونك بهذله وتعاف حتى نفسك ..

وإن شاء الله إنه تم قبول أختك بعد هالمعاناة ...

ماهكذا تورد الإبل ياحريم << لاتواخذونها داخله مندفعه وبراسها مواقف لليل ..

المشاركة الأصلية بواسطة :

اقتباس

وهل رأيت اختنا ترف ( وسط الخناقة ) ؟!
طبعا هي تحب هذه الاجواء المتشنجة
وحرقة الدم والأعصاب !

هههههههه والله أنا انبسط على الأجواء المختنقة وأحب الأكشن بس ماتوصل للضرب

ماعندي لياقة انتظروني إذا أخذت الحزام فزعت وياهم ..

ذكرتني بموقف صار لي أخوي مطارد بخصوص حرقة الدم والأعصاب بالجامعة

أول ماتخرجت كنت كارهه الوظيفة وجو الدراسة وكل شيء وقلت باخذ فترة نقاهه

وبعدها أكمل ماستر المهم صاحباتي كلهم يبون الوظيفة بأي طريقة ويقنعوني وأرفض

كان فيه تسجيل بالجامعة العربية المفتوحة لوظائف بالهبل واللي واصلني إن هالجامعة

متحرره بقوّه لأنها أهلية ومايدخلها إلا بنات الهاي وكان نفسي أشوف عالمها وبين أخذ

وعطى وافقت أقدّم وياهم بنفس اليوم عشان نشوف بعض << ياعلي تفكير:icon_mrgr

وإلا الوظيفة غاسلين يدينا بالماي والصابون وأنا ماكنت أرغب أساساً ..

دخلت الجامعة وانذهلت كأني داخله ملهى مرقص البنات لبسهن فاضح

شورتات وحركات مالها داعي يعني كأنهم على شاطيء البحر ويسوون جلسات تسمير

مو كلهم بس الغالبية العظمى الموظفات لابسات تنانير للركبة أنا استغربت ومع هذا قلت بشوف

آخرتها اجتمعوا صاحباتي وجلسنا سوالف وبعدها قالوا بنروح نقدم ملفاتنا أنا رفضت بعد البلاوي

اللي شفتها ويعني الصاحب ساحب شوي شوي اقنعوني الراتب مغري و... و... و... وماعليك منهم

وكل وحده بنفسها ومن هالكلام ..

دخلنا للصالة التقديم وماكانوا يشوفون الملفات كانت اختياراتهم تقوم على المظهر والمتقدمات

بالآلاف صفّونا مابقى إلا عشرين وصرت أنا اللي مابي الوظيفة من ضمن اللي اختاروهم

ووحده من صاحباتي حضرية وبدأ الخوف ياكلني هم عندهم عادي بس أنا لو بيدري

أبوي كيف البنات كان ذبحني:busted_re وحسيت إني مشحونة ومتوهقه بنفس الوقت ومقدر انسحب يعني

انقبلت مبدأي نادت على صاحبتي وتكلمت وياها وأخذت ملفها وخلصت جا دوري

وقفت قدامها وأخذت معلومات عني و... و.... وبعدها قالت لي مبروك أنتي انقبلتي

بس وقعي هنا طبعاً أنا وقعت بدون ماأقرأ على إنه قبول ومن هالكلام

..

وقالت : من ضمن الشروط إنك بعد شوي تدخلين عند الإدارة لك مقابلة

ثانية والإدارة رجاجيل مدير الجامعة ومعه ....!!... مسؤول كبير ..

أنا ظنيت إنه مثل الجامعة أكلمهم بسماعة بنفس القاعة مع إني كنت

آخذ درجات المشاركة كامله وطلعت من الجامعة ولا استاذ سمع صوتي

إلا باختبار نهائي وأكون مجبرة ..

سألتها وضحكت قالت لا لازم أنتي شخصياً تكونين قدامهم قلت يعني بعبايتي

<< مازلت ماني مستوعبة:178:

المهم الآنسة قالت لي لا لازم يشوفون وجهك :marsa120::busted_reلأن الأسئلة اللي بيطرحونها

عليك لازم يشوفون ردت فعلك وكيف تتصرفين مثل ماأنتي عارفه هذي جامعة غير عن أنظمة

الجامعات الثانية بتكون اجتماعاتكم مع الرجاجيل بكل مشكلة وبكل قضية أنا كنت أغلي من القهر :busted_re

وودي أمسك صاحبتي وأذبحها لأنها قالت لها مثل ماقالت لي ووافقت وماعلمتني خلتني أدخل

على عماي المصيبة إن الموظفة قبيلية ومكتوب اسمها أنا وبكل أسف (تفلت بوجهها) ومو حقها ودي إني توطيت ببطنها بس هي عضلاتها بتوديني بستين داهية مع كسر في الجمجمة :icon_mrgrوقلت

دوروا لكم من بنات الشوارع ووظفوهم هنا أنا بنت فلان وأنا من قادت المعركة

الذهبية بوقت التطبيق وأكلت كف بخدي الكريمة:moptop: وأنا شيخة المطران

بتدخليني على رجاجيل يامجنونة:busted_re

وأنا من التي أشرب كوب ماي الحين احترقت لتذكري هذه السالفة:moptop: وأنا وأنا

.. حركات القبايل التي تجري بدمائنا

وجيبي ملفي حرام يبقى عندك وش يضمني تستخدمونه

لأغراض ثانية وتلاسنت معاها وجو الأمن بس ماتضاربنا << ليه ناويه

أخ بس تمنيت إني أقدر أجلدها كان ماقصرت بس أنا حدي حكي وكلمت أبوي وعلمته

ودخل عند الإدارة وعطاهم اللي عنده وطلعوا ورقتي اللي وقعتها وصارت هي إني

موافقه على شروطهم الوصخة وعاد

صديقتي انسحبت بعد ماشافتني كبرت المسائل وقوّمت الدنيا

:icon_mrgr

..