01 Oct 2006, 01:15 AM
|
|
ابيها عقد من فضه ، ،
ابيها عقد من فضه وابيها عقد من الماس
وابي غالي الذهب يبرق يحلي كل اساورها
ابيهـا وسم في صـدري وابيها رسم عالكـــراس
وابي تكتب حروف اسمي بصفحه من دفاترهـا
ابيها وقت فعل الشـــر تكون لعقلي الوســواس
وابيها وقت فعل الخير هي اللي بس اشاورهـا
ابيها تضمني بالحيل وعلى صدري تحط الراس
وابيها وسط ذاك الليــل نجومي اللي اسامرهـا
ابيها صوت يطربني يذكرني بصدى الاجراس
وابيهـا كل لحظاتـــــي .. من اولهـا لاخرهـا
ابيها اطهر العالم بعمره ما وطا الادنــــــاس
وابي تقـهر جميـع الناس ولابـه شي يقهرهـا
ابيها دوم مبسوطه ابيها ماتشوف البـــاس
ابيها تكون لي ورده تعـطرني واعطرها
ابي تسكن وسط روحي ابيها اقرب من الانفاس
وابي من غــير ماتـامر انفـــذ كل اوامرهــــا
ابيها قصر في قلبي ابي ضلوعي تكون الساس
وابي تفـرش قصـر حـبي بلحظه من مشاعرها
ابيها تكون خاطرتي ابيها تكون لي احساس
وابي انـا الوحيــد اللي تحبـه في خواطرها
ابيها تموت في نزفي ..تحبه حب بدون قيـــاس
وابي لامن قرت شعـري تضيـع بحب شاعـرها
أعجتني فلطشتها لكم
واتمنى أن تحوز على رضاكم
|