مجموعة ريديات لكبار اللشعراء
بدع-- مصلح بن عياد الحارثي
مفرح الا يوم يبديلي الوجه الجديد = لو مغير اضحك علا غترته وعقالها
رد -- حبيب العازمي
كيف تفرح وانت قدامك السيف الحديد = لو تطرف يدك عن راس متنك شالها
بدع -- الجبرتي
ياسلامي سلام املاه ماهوب فاضي = بعد ماجابنا الله وسط سوق البياعه
انت فاالعاصمه يازيد حطوك قاضي = مير ياعارفتنا كب عنك القطاعه
الرد -- زيد العضيله
مرحبا مثل تسليمتك والكل راضي = وانت طماعه وانا مثلك ابغي الطماعه
مركزي وملكه مالك عليه اعتراضي = وانت عند العرب من قاطعين الجماعه
بدع -- حبيب العازمي
ياقل الهرج ياكثره وياشينه مع الترديد= اعيوني لو احيمرها معك ماتلتفة فيه
رد -- رجاء الله الحربي
ياكثر الهرج ياقل الفعل يارعي التهديد= ليا حيمرت عينك جتك مربوعه ومثنيه
بدع --مصلح الحارثي
العام صياف مع مستور مدري خلف = يقول انا زايد ( ن) عنكم ميه فالمعاش
رد-- صياف الحربي
العام كلٍ معه بندق ويرمي هدف = يومن ضرب الثميدي مثل ضرب الرشاش
بدع مطلق الثبيتي
ازرع الطيب والمعروف بينك وبيني =وانت تعرف هوى بالي وغاية رجايه
مير لايكسر المشعاب عيد الحسيني = ثم تضحك على السلمان ضلعان سايه
رد -- عوض الله ابو مشعاب
الصداقه لمثلك فوق راسي وعيني = فيكم الطيب والمعروف غاية منايه
عيد ياشاعر العتبان اعده يميني = وانت تعرف يميني ماتكسر عصايه
بدع-- مطلق الثبيتي
يالعصيمي معاشك من بنوك اليمامه = والا انا من بنوك الله يجيني معاشي
جيت ستين شيخ وكل شيخ باعلامه = جعلهم عند نوٍ بارقه فالمناشي
الرد --مستور العصيمي
انت رزقك تجيبه من جحلط تهامه = مزنةٍ من مطرها مالحقنا رشاشي
واحمد الله يامطلق في طريق السلامه = لانت قاطع نصيب ولانت خادم بلاشي
بدع --زيد العضيله
ابليس من فوق راسه دارة الدايرات = والركعه الناقصه للي مصلينها
اتكل على الله وحل اعقودها المبهمات= اليا نقطع راسها ماتت كراعينها
رد-- حبيب العازمي
اعمالك المخطيه واعمالك الصالحات= تبين قدمك ليا نصبت موازينها
ليا انقطع راسها رجلينها مروحات = ترتاح من راسها تذيك رجلينها
البدع -- محمد بن طمحي
مرحبا في ديرةٍ مامشوا فيها البقوم = قبل حكم اخوان نوره وحنا اصحابها
الرد-- فيصل الرياحي
انسدح في ديرتك مالنا فيها لزوم = انت دارك صوب مران مانغوابها