.

.

صباحكم سعاده




اليوم بتكلم عن برنامج خفيف وغالبا ما يحتاجة الناس خاصة اللي ما عندهم طابعة .

وهو عبارة عن طابعة بس ما تطبع على ورق وإنما على شكل pdf أو بصيغ بعض الصور .

البرنامج تقدر تقول محول لكن على شكل طابعة

يعني عندك صفحات النت ما تقدر تسوي لها تحويل بأي برنامج تحويل إلا بعد ما تنسخها لمف ورد

أما مع هذا إذا ضغطت على زر " طباعة " راح يطبع الملف أو صفحة النت إلى ملف pdf ويريحك من الورق

و فيه مواقف أحيانا تلزمك تتطبع في نفس الوقت

وبحكم إستخدامي اليومي أستفدت منه كثير وأن شاء الله تستفيدون منه ..










يعني لو مره كنت فاتح موقع بنك وما عندك طابعة وتبي تطبع الإيصال يجي دور البرنامج ..

وأيضا ً تقدر تحط رقم سري على الملف كما في الصورة








حجم البرنامج صغير ( 4M ) ويعمل على جميع إصدارات الوندوز ( XP / VISTA / 7 )


وهذا رابط الموقع


http://www.bullzip.com/products/pdf/info.php#download

بعد ما تفتح الصفحة نختار :


Download PDF Printer 7.1.0.1195 from North America




بعد التحميل وتركيب البرنامج راح يضاف للطابعات والفاكسات وإذا حبيت تخليه طابعة إفتراضية تروح للطابعات والفاكسات تعدل من هناك .


دمتم بحفظ المولى