يامبرمج الشعار وش فيك وش صار=ماهوب عيب اللي تسويه فينا
خلك معي طيب ترى الوقت دوار=حنا ربع واصحاب ولا نسينا
قصيدنا ينشر لنا عبر الاقمار=والعنكبوته شف تغلا علينا
تحذف بنات افكارنا حذف الاحجار=والاكذب الاعذب بدا الشغل فينا
ياللي تعاليقه طلاسم مع اصفار=الله يعافيكم ولايبتلينا
اللي تصور واخترع شي ماصار=ويحط فينا شي ماهوب فينا
نشر الغسيل اللي تقوله على جدار=ياربعنا منكم غسلنا يدينا
احلا العلوم ان قالوا سيول وامطار=على قيا دار على ارضه ربينا
من الشعر بسوي امره من نار=اما نجيها شتل والا تجينا
واجب شعر مثل نشرات الاخبار=من شان ابو نوره يسير علينا
مثل الحجايا اللي عن النار والغار=والا الشعر معاد يطري علينا
قصص جحا مسمار والا على حمار=ماعذربوها جدودنا الاولينا
ياكثر غلطات البشر سر واجهار=الله كريم ويكرم السامعينا