يامعشر الجمهور ماهوب معقول=نضحك وحنا بالطروق انتدارك
الساحره ماتعرف اقوال وفعول=من دونها مخفر وسجن وجمارك
والشام جوه كله دفوف وطبول=وحنا على تلع الرقاب انتعارك
هيا يابو ضاوي ومحفول مكفول=حتى نعود يم داري ودارك
وتشوف شيٍ يطرب الفكر ويهول=وتصير تمشي وانت جاهل مسارك
والعقد يصبح يابن الاجواد محلول=اخير من صبرك وطول انتظارك
ديرة عرب وتضم صاحي ومهبول=ادخل مع الطوشه وطبل بطارك
فيها حمام وبط ونياق وخيول=ماهمهم شكلك وشدة سمارك
دامك تنقط قرش بيجيك محصول=ومن كثر ماتلقى ماتحسب دمارك
طرد الهوى يطرحك بشعاب وسهول=ويمكن من اسبابه يصير انتحارك
هيا يابو ضاوي ومحفول مكفول=حتى نعود يم داري ودارك