راكبٍ جمس من الخارج مغنّه=وارد العيسى وتصميم الخواجه
جمسٍ احمر يعجب السواق فنّه=حوض رفرف لا مشى ثور عجاجه
يا صل اللي بالوفا حمّاس بنّه=من رجالٍ ما مشوا مشي السماجه
ناصر اللي في المواقف طاب ظنّه=وان ورد عد الروى يترك هماجه
من سلايل شيخنا راع الاعنّه=مرويٍ سيف القنا والرمح راجه
شيخنا اللي ماكره من راس قنّه=عزوة المهرس وساس الطيب تاجه
يوم ولد اللاش ونّ الصبح ونّه=ما مشى درب السنع كله عواجه