15 Aug 2017, 04:30 PM
|
|
بنتٍ تحوُف الجزال !
.
فاحت دلال الهجوس اللي لها مده = و زليتها في كبيرة خيرة دلالي
فاحت على جمرها من لاهب الجده = و بهرتها من فريد البن و الهالي
و صبيت فنجالها المعسول و أمده = للي قريحه من أبيات الشعر خالي
قافٍ ينومس جزيل الند مع نده = ويصف له كل بنت وكل رجالي
ياكاتبين الشعر كلٍ عرف حده = و أنا حدودي تعدت ضرب الأمثالي
بنتٍ عشقت الشعر و أبغيه و أوده = لو ينصحوني عنه حساد و أنذالي
مقدر على جفوته و مقدر على صده = كيف أتجنب عنه و أشتت أمالي
بنتٍ تحوف الجزال وبيحت سده = ويرخص لسبك القصيد النادر الغالي
ولو برقعي يكبت القيفان ب أقده = و ألبس بدال البراقع ثوب و عقالي
و الفكر لا عارض الطرقين و أحتده = أبي أتبعه كل ماصّوت و نادالي
أرضي فضا و السماء من فوق معتده = يمطر بها الغيم الأسود كل ماجالي
لـ شاعرتها المها !
|