عرض مشاركة واحدة
  [ 1 ]
قديم 13 Jun 2010, 10:07 PM
ممنوع من المشاركة

البواردي غير متصل

تاريخ التسجيل : Jan 2007
رقم العضوية : 2182
الإقامة : saudi arabia
الهواية : الشعر والتراث والأدب والحضارات
المشاركات : 2,837
معدل التقييم : 825
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
مدح القبيلة والوطن



السلام عليكم ورحمة الله وبركاته ..



ابدا بذكر الله قبل المواجيب = سبحانه اللي خير من يبتدا به
لوامره خاضع وقدسه واجيب = وطبّق اللي شرّعه في كتابه
احمي حما ديني من الغش والريب= وموطني مرضا يدنس ترابه
مكه وطيبه عزها عالم الغيب= بالهاشمي اللي قد كسته السحابه
حنا حماة الدين فينا المناصيب= قاده وشعب وجيش عزوه ولابه
اجارك الله يابلادي من العيب = مادام ابو متعب كساك بثيابه
دونك ملك ورجال عكف الشواريب= بالنافعي والسيف يومن جرابه
قبايلك ونعم واعز المناسيب= من الجنوب اليا الشمال وهضابه
ومن الخليج اليا البحر شعبك مهيب = بحرك وبرك والسما في مهابه
اقولها ونا لسان لهل الطيب = متعان عبس اهل الوفا والصلابه
العبدلي والهمهمي عزوة ثويب= اسود جُلجُل والقرى وكل غابه
والغموي من نسل اسيد المحاريب= زربه على المشرق جبال وشعابه
وبني كميح اهل الخيول النواجيب= عدوهم يفنى ويغدي الزرا به
منهم بني سلمان عنص المناويب = في كل ماقف ولدهم يعتزى به
من ضُربه لا آثال مبها عذاريب= حصن(ن)طروز المجد في صرع بابه
منهم بني ريحان عكف المخاليب= صقور في وادِ اسلبه والحدابه
حمى الحبل من شام واعلى النواشيب= ولا سؤال الا عطوه الاجابه
منهم هلال من الصحاب المراتيب= اسمه مدون في كتاب الاصابه
وحنا ليا صكت جفون الحواجيب= نعدي بسيف(ن)ماتراقل نصابه
زهابنا البارود له زوع وشهيب= يشعل ومن يهقى بنا ياعذابه
على ظهور الخيل للماضي نصيب= اسود ماتخشى جموع الذيابه
ومن الجمال الحُمردهم الغواريب = جيوش تاكل خصمها بالنيابه
حنا بني عبس الاسود المراهيب = منا رموز المجد منا الصحابه
في ساحة الميدان وفي المراقيب= لنا حضور وحضرنا يقتدى به
جمراللظى للخصم دايم لواهيب= حصن(ن) منيع لمن زبن في عتابه
واختامها يامدركين العواقيب = صلوا على من راود الوحي بابه


وسلامة الجميع واعذروني في البخوص...
...


التعديل الأخير تم بواسطة البواردي ; 14 Jun 2010 الساعة 09:08 PM

رد مع اقتباس