ســـــلام يـاشــيــخٍ لـربــعــه مــقـــدم=ربـعـه لـيـا نشـبـت يفـكـك نشـبـهـا
مقـدام ربـعٍ لــه مـكـان وبـنـي عــم=مـن الرجـال الـلـي عـريـبٍ نسبـهـا
بالشيـخ ابـن هـلال نفخـر ونـزعـم=فـيــه الـرجـولـه والمـحـبـة كسـبـهـا
رجـلٍ كبـيـر أعـمـال عـاقـل وفـاهـم=مافيـه دعـوى إلا ويـعـرف سببـهـا
عسـاه مــن شــر المقـاديـر يسـلـم=يسـلـم مــن الدنـيـا ويسـلـم تعبـهـا
اللي على المحتاج يعطف ويرحم=فـي دربهـا عنـد أهلهـا ماحسبـهـا
ربـعـه بـنـي شــداد والفـعـل يـحـكـم=شـيــخٍ تـصــدق حـجـتـه لا كتـبـهـا
والمرجلة في حوزتـه ضمهـا ضـم=مايشتري الهزلة من اللـي جلبهـا
عسـى بيـوت أهـل الـكـرم ماتـهـدم=تبقى على العليا مع اللي نصبها
وإن كــان عـنـي يــا رفيـقـي تـعـلـم=نـشـبــت بــــدروبٍ كـثـيــرٍ عـتـبـهـا
بيحت مافي الجيـب وأكلنـي الهـم=حتى المره بالسوق باعت ذهبهـا
ماجابـي إلا حاجـتـي يـاابـن الـعـم=والـفـقـر لا حــــد الــرجــال يغـلـبـهـا
مـا عنـده إلا تكـس خـرده مـصـدم=سـيــارةٍ عـــزي لـمــن هــــو ركـبـهــا