سرّتني ابيات القصيد الجزل وبليلي سريت=انظم هجوس اسما المعاني وابدع امثالي فنون
قول وفعل نظم وقوافي وانتبه يامن قريت=خيل القوافي تبهر اللي بالنزال ينافسون
اشوش واحطّم بها الرقم القياسي لا عديت=بلسم لمن يستاهل الجزله وللغاوي طعون
غزير وانحت بالصّخر واقول واعني ماعنيت=وما بالضمير يترجمه قافي يكون اللي يكون
الواهب الله جل شانه وحده المحيي المميت=والمد مدّه مامنع مدّه حراسات وحصون
اقرا زماني وان صدق فال وتحقق ماهقيت=علمي تصدّقه الشواهد والخلايق يدركون
جمرة عرب سفير شاعر طيب فال وطيب صيت=واحب طريا الغانمين اللي لمبداها تصون
ياجعل دار حلّها شرواه تزها بالنبيت=يروى ثراها من صدوق الوسم تسقيها مزونّ
خلّ الّذي لا قالها ماطالها يكفيه ليت=الين تفنيه السنين او تفتري فيه الغبون
قلته وانا ربعي حشام ودون لازمهم بديت=بالحارث اللي للمعادي سقم للصدقان عون