.
.
.


اليوم : الاحد ..
الموافق : 5 /9 من عام 1431 للهجرة ..


::

رمضان الشهر التاسع من الأشهر الهجرية اكثر شهور السنه المحببه لي وللجميع اكيد ..
كل عام وانتو بخير ومبارك عليكم باقي الشهر

::
المهم..اول مره اتهور واشارك بفعاليه من هالنوع..يعنى تصوير شخصى ومعايشه ليوم كامل من حياتى..
انبسطت وانا اصورلكم..عاد غضو النظر لو فيه شئ هيك والا هيك والله يحيكم فى بيتنا..كل ماتم تصويره من واقع يوم عفوى جدا ...



للجمـــــــيع في يومياتي الرمضانية حللتم أهلاً ووطأتم سهلاً

.
.
.

طبعا البدايه من السحور تسحرت وصليت الفجر وَ نمت

رن المنبه المورعب

صحـيت على الساعه 12,30 .. ولأول مرة لقيت اختي حاطتلي اياه قبل لا تطلع من عندنا امس .. تقول عشان لا تتاخرين عالصلاه منتي قايمه الا العصر

بعدها قمت وصليت الظهر ..





<- وهـ يانآس ياحبي لهالسجآده

::

بعدين نزلت أشيكـ على الوضع بـالبيت وَ المطبخ ..ولقيت الأمن مستتب والحمدلله ..
قلت أقرأ لي كم وجه من القرآن ..







::

بعدها جلست أتجول ولا حصلت شيء أسويه غير إني أقرأ جريدة الرياض , نشوف وش فيه من أخبار ..






أهم شئ أندونيسيا

::

دقيقتين إلا وَ أنا مخلصه , فتحت التلفزيون لقيته على قناة المجد البرنامج حلو وفاتني نصه ,







جلست أتابع لما خلص البرنآمج ..

::

نزلت لمطبخنا أدور أميمتي سلمت عليها و حبيت راسها و قلت لها ادعي ان ذا آخر رمضان معكم والسنه الجايه أكون في بيت رجلي ترا مصخت طبعا يعننها ضاق صدرها و منّاك تقول يارب , ولقيت الشغآله مجهزه وع وشك تبدأ
قلت آخذ لكم هـ الصور :

( الصور اللي بالمطبخ مدري كيف طالعه , لأني حسيت إن الشغاله بتصقعني بأقرب قدر , تلتفت وتوخر , قلت القط اي شيء وَ أهج )



::



::



::

و سواليف انا و اميمتي وجاء اخوي من الدوام و يقلط معنا وسواليــف بالمطبخ ..
بعدين قلت يآبنت دامك فاضيه تسنعي وسوي حلى ,فـ سويت هـ الحلى , سهل مرة مرة وأحلى منه مافيه






بعدين رحت أجهز الفيمتو









وهنا الشغاله مشغوله بالقيمات وقليها >> حسيتها بتصقعني بالملعقه







وهنا بعض الاطباق اللي خلصناها





::





::





الفواكه شئ أساسي عند أمي ولازم ينحط عالسفره


::




قلت أروح أشيك على سفرتنا وش وضعها و وش ناقص ماسويت شي غير اني زينت الفمتو و غرفت التمر و وزعته >>سنعه من يومي

دخلت غرفة أمي و جلست على كرسي صلاتها و قرأت بـ مصحفها ياربي لا تحرمني منها أحس بـ راحه فـ غرفتها و بين أشيائها
بعدها بدت الوفود توصل على الساعه 5 و نزلت لهم سلامات و كل عام وانتوا بخير و ...
أيام رمضان لازم الكل يكون موجود من الكبير للصغير حاولت اصور اللحظات الاخيره في مطبخنا بس حسيت اني بنضرب
خصوصا ان امي عطتني كم نظره و حسيت انه لا يكثر و شوفي شغلتس
اغرفي و شيلي و حطي و اقسموا الاكل للسواقين والشغالات والجيران و حووووسة
والجرس كل شوي يدق و توصل اشياء من الجيران
احب هذا الشي في رمضان ..

ماشاء الله تبارك الله
اللحظات اللي قبل الأذان .. كل واحد يقعد جمب صديقه و الأكله اللي يحبها
و النفوس شينه
<< أبد ما خزخزت بالمبزرة
السفره مالحقت أصورها لان أخوي عطاني محاضره عريضه وحسيت أني من بعد هالموضوع بنطرد


وهاتك سواليف الحريم عقب الأكل و امي تصارخ من بعيد قوموا صلوا ما أفطرت ملايكتكم
طبعا حريم أخواني أنواع التساؤل ياشغب وشوله تصورين ؟
و أنا >> لا يكثر بس وخروا انتي وياها
شاهينا و قهوتنا عقب صلاة المغرب





بعدها بدا مسلسل السدحان والقصبي طاش
بالله مهوب بايخ ؟
<< يحلفون ماتدري الحلقه عن ايش انا سواليف مع البنات




::


بعد العشا راحوا أخواني و الشباب لصلاة التراويح
و الوالدة ترقى غرفتها عشان صلاة العشاء والتراويح

حنا انتقلنا لـ هذي الجلسة حنا يعني البنات و الحريم و الحريم لازم حولهم حلا و قهوة
الحلا كان كب كيك - سمبوسة حلوة - لقيمات - وحلى التويكس اللي بالكاسات

و تسدّح بانتظار باب الحاره





و سواليف عائليه مالكم فيها <<
اختي متهاوشة مع خدامتها و بنت اختي قاعده تأكل أخوها الصغير
و أبد ميب حاقده عليه
استلمناها تعليقات اليوم خخخخخ






و بعدها ركض عاللاب توب أنقل له الصور و أحوس بالموضوع
ياشين حوسة الصور


وأخيرا خلصت ...


ولو انه ماكان في المستوى الي اطمح له لكن اتمنى انه ينال رضاكم ويطول مستوى ذائقتكم


اتمنى انكم انبسطتوا معاي.. وكان اليوم خفيف عليكم وكنت انا بعد خفيفه على قلوبكم

الله يعيد رمضان علينا كل سنه واحنا بخير وصحه.. ويتقبل صالح اعمالنا.. آمين



.
.
.


, أسأل الله الذي بلغكم غُرّة رَمضآن ......
أن يُبَلِغكم ختآم هذا الشهر .. وَ أن نكون فيه من المقبولين

.
.
.