الموضوع: صقر العروبة
عرض مشاركة واحدة
قديم 17 Aug 2007, 12:28 AM [ 5 ]


تاريخ التسجيل : Apr 2006
رقم العضوية : 1260
الهواية : Travel
مواضيع : 131
الردود : 2717
مجموع المشاركات : 2,848
معدل التقييم : 25سعود سليمان الحارثي is on a distinguished road

سعود سليمان الحارثي غير متصل




 
 
المشاركة الأصلية بواسطة : متعب الشدادي
اقتباس
 

صقر العروبة
تـوكـلـــنا علـى الله وسـتـعـنابه عـظـيـــم الشان = ونـعــــــم بالالــه اللــــي اتـكـلـنـا وستـعــنــابـه
خـلـقــــنا لـلـعـبـاده والعـباده كـنــزهـا الايــمان = ومـــن يــؤمــن بــربــه يـعــرف الايمان وشعابه
لـه الحمد وله الشكـر وله الفضـل وله العــرفان = طـلـبـــنــا رحـمــتـه والهـانـا ماخـــــاب طلابه
وبعـد الـذكـر بـتــرجـم كـلام داخــل الـوجــدان = كـــلام يـسـعــد الــرجــال يهــــرجـبـــه ويبدابه
باسم وجه السعـد رجل الـمروه فهـد بن سلطان = امــيــــر المنطقـة يسلــم ويسلــم واحـــــــد جابه
وباسـم اعـيان واهـــالي تـبــوك الشيب والشبان = وباســــم العــســكـــر اللـــي دينـهـا تحـيا وتفنابه
هـــــــــلا يامـرحبا ترحيبة بالمسك والــريحان = وريـح العـــود والـــــورد العـذي اليا انثر اطيابه
هـــلا يامـرحبا عد الطــيـور ان غردت بالحان = وعـــدد مـــن زار بيت الله وكـــبّربه وصــــلابه
وعــدد زرق النجوم اللي تلامع في السما وتبان = ومـن يقــــدر يعـــد النجـــم ولا يعـــــرف حسابه
اذاً مـالا نهـايه فـي تـــراحـيـب تجـــي من شان = وصـــول القـائد اللـي كــرمــت دقنه مـــع اشنابه
ملك ماهــوب مثل ملــــوك باقي ساير الاوطان = مـلـك حكمه مـلـك عــزه مـلـك نخــوه مـلـك هابه
هذا شبل الاســـــد عــبـد العزيز مؤسس البنيان = عســـى الله يـرحـمــه وينال عـفـو الـــرب وثوابه
هذا صقر العروبه صقر ساعة ينهض الجنحان = جـــنـاح العـــــز وعيـون الفخـر والعـدل مخلابه
هذا عـبـد الله الـلــي كـلـمـتـه يرجحبها الميـزان = ليامنه خـطــب كـــل الشعـــــوب تــــردد خطابه
هذا عبدالله اللي ماعـتـقــد له في العرب عدوان = ياكـــــود مـسـمـمـيـن الـفـكــــر بسمــــوم يغذابه
تـشـــيـل السم واقدام البطل تدعس على الديبان = يـمـــوت الـــداب من دعـس القـدم والسم في نابه
تــســــيـــر الـقـافـلـه فـي دربها بامر الله الديان = علــى قـــــول المثل ســــار المسير ونبحت كلابه
عــســــى الله يحفظك ياسـيــــدي يالاطم الديان = يابــــو متعب ياسيف المرجله وخــــوانك نصابه
هذا سـلـطـــان ابـو خـالد ولي العهد في الميدان = قـيـــــــادي والـقــيــاده مـاتـكــــون قــيــاده الابه
شـرب كـــاس الشجاعة لين سمي سيد الشجعان = ذرانــــا فـــي الشــدايــد واهــنــي اللــــي تذرابه
وهذا نايف ابو محمد على امن المملكه سهـران = تنـام عـيـــون غـيــره والسهـــــر مافارق اهدابه
وزيــر الـداخــلـيـه فـي عـهـده الامـن والامــان = كـمـا سيــف يخاف الخصــم من حــده ومضرابه
وضـع كفه على الفتنه وعالج جرحها المرضان = طبيب الجــــرح يعرف كل جرح ويعرف اسبابه
ولا ياهـــل الـفـتـن والغي واهل الكذب والبهتان = مبــاديكـــــم ضـعـيـفــــه مالها خـــانـه وكــــذابه
مبـاديـكـم بـنــيـتـــوهـا عـلـى التكفير والعصيان = تـركــتـــم سـنـــة محمد نبـــــي الله مــع اصحابه
عصيتم من امــركم طاعة اولي الامر بالاحسان = واولـــي الامــر تعــبـــد ربهــــا خوفاٍ من عذابه
ولاة طـبـقــت شـــرع الـولـي والمسلمين اخوان = بـشـــرع الله تـحـكــــم المملكه ودسـتـورها كتابه
هــدفـهـا خــدمـة الــدين الحنيف وخــاتم الاديان = هـــدفــــها رفـعـة الاســــلام واحكـــامه مع ادابه
يـقــولـــون الـعــــرب ماتثبت الحجه بلا برهان = وانا بـثـبـت كــلامي واذكــر الــــبرهان وصدابه
مـن اللــي وســـع البيت الحرام لخدمة الضيفان = ضـيــــوف الله بـبـيـت الله تطـــوفــبه وتـســعابه
مـن اللــي فـــي مـــنـــــى بنا خيام مالها عمدان = وضــــد للحـــرائق والنمـــط واحـــــــد ومتشابه
مـن اللــي شـيـد جـســـور عليها يرجم الشيطان = هــــدفـــــه يــــريح المسلم ولا يهدف على اتعابه
وبـيـت المصطفـى من وسعــه وزخرفله البيبان = ونـــــــــور سـاحته بانــــــــــــوار لمبات تلالابه
ومـن شـيــد مصانــع تطبــع السيره مـع القران = ويهـــديها علـــى مــن ياخذ المصحـــف ويقرابه
ومـن بنا بـيــــوت فـــي حـمـاهــا يعبد الرحمن = ولابــــــه حــــــي الا داخلــــه مسجــــــد ويبنابه
ولابــه مـسـجــد مـن دون مـذن يـرفـــع الاذان = ولابــــــه مسجــــــد من دون امام قصّــــر ثيابه
ولابــه مثل ابـو مـتـعـب مــع شعبه كريم ايمان = كـــــــريم حــب شعــبـــــه واكرمه شبان وشيابه
الا يالـلـــه تـحـفـظــه يـاالـــه نـــزل الـفــرقـان = مـلـكــنا لادعـــا الداعـــــــــــي مشينا واعتزينابه
مـلـكــنا وان دعــانا للـمـواقـف صـابـنا جنجان = نـشـــــــــوف الضلع من زود الشجاعه كنه ذبابه
يـعـيـش الــدين ثم يعـيـش ابو متعب ولا ينهـان = وعاشّـــــنا الـــــــوطن ونموت موتت عز لترابه
خـتاماً للــقـصـيــده جـيـت بــدورلــهــا عنـوان = يـلـيـقـلـهــــــــا وتسعـــــــــدبه وتفرحبه وتزهابه
وحـصـلـتــه وعـنــونـتــه لهـا ياسيدي حـوران = باســــــم صقــــــــر العروبه سميت باسم تباهابه
وصـــلــى الله على محمد عدد ماهلت الامزان = بذكــــــــــــــــــر الله بدينا في القصيده وانتهينابه

الشاعر : متعب الشدادي


 
 

أبو فراج

صح لسانك الى مالا نهايه

قصيدة عصماء ومن عيون الشعر

لله درك وبيض الله وجهك ..

شاعر مايختلف على تمكنك الشعري

اثنان ...

تقبل اعجابي ومتابعتي الدائمه

توقيع : سعود سليمان الحارثي
حبر يراعي طُهر وأسلاح مِقدام=كسّر مجاديف الملل والرتابة
يقدّره طاهر مصلي وصوّام=ويصد عنه اللي عليهم جنابة



الأعلى رد مع اقتباس