يا راكب الي مثل موج المعاصير=يرطن رطبن اليا تحدر مع القار
يحمل شعار المملكه رسم تكبير=سيفين مرسومه على الباب وشعار
وارد حفيزه كاش ماهوبتاجير=توه ورد مالفقوا فيه مسمار
صالون جمس اوراق جمرك فواتير=يشدى لشيهان على كف صقار
عليه قرمن لابدت لك مشاوير=يبهج عيونك كل ماراح مشوار
اربط حزام المقعده وانقل القير=عطه القدم ثم اشعل البلف بالنار
وحذر عليه الجور لا يكرب السير=خلك على هونك الياصرت بيطار
ياسايقه قم يازبون المناعير=شد الرحال ومعك بالزرف تذكار
ودور على الي شدني بالتفاكير=غابت به الايام وسهوم الاقدار
وانا عليه مخاوي الذيب والطير =والعين جاها عن غفا النوم معذار
راحت به الدنيا غياب ومقادير =والبعد طبعه شين والحب جبار
عسى تجيب علوم والاتباشير=والا تحصل عنه في دربك اخبار
ون ما لقيت علوم يالله عسى خير =ويعين قلب الي على الجور صبار