يا سعود لو شفتني شاحب ومتغير=فالقلب ياسعود شي ن صعب تفسيره
البال من مجلس النمام متذير=يجفل جفيل الظبي من بعد تذييره
يا شين مجلاس به لا وسعوا الدير=وقاموا على كل غافل تفتح السيره
اللي بعضهم عن أهل الدين متطير=مجالس ابليس لا دقت مزاميره
ما يشرح البال الا بعد ما اسير=في ديرة عندي اغلى موطن وديره
ولو خيروني ترى ماني بمتخير=ابدالها والغلا فالقلب تقديره
ولو حيروني ترى ماني بمتحير=عنها ما دام القدم يقضي مشاويره
بعد عن أهل الحكي ملعونة الخير=لو ساعة بس عندي خير وخيره
لو قيل هذا قليل المال وفقير=ترى الفقير اعتقد من نفسه فقيره