يالله يا منجي محمد من النار = يا غافر ذنوب العباد المصلين
أغفر ذنوبي يا غفور ٍ وستار = يا واحد ٍ بأسمه ولأمره مطيعين
وأفرج لمن حمله ثقيل ٍ وصبار = وراضي بمقسومه على العسر واللين
الوقت وقت وفيه غلين الأسعار = وقت ٍ يبذ اللي غني والمقلين
من قو حده يلحق العظم يا ذعار = وفيه الملا ما بين صايب ومخطين
وعزي لرجل ٍ ما مشى درب الأخطار = ولا ذاق في دنياه صفق الأمرين
ولابد من يوم ٍ يقصرن الأشبار = لو هو عليم وشاطر ٍ بالدواوين

ماني بدوّر كل طرقـي والاخبـار=حتى المقيـم اليـوم مالـي ومالـه
في راسي أفكاري ومن راسي الشار=وقول ٍ بلا فعـل ٍ حـرام ٍ مجالـه
ياما مشينا كـل درب ٍ بـه اخطـار=هـذي دروب المرجلـه والشكالـه
والمال عز الناس صانـع وبيطـار=واللي عـرف للمـال زوّد حلالـه
والحظ دهور كل وافيـن الاشبـار=والقل حد اهـل الوفـاء والجمالـه
احد ٍ نزل بالبر واحـد ٍ فالامصـار=واللي معه دبـره زمانـه صفالـه
عبرت لك تعبير عن كـل الاقطـار=بإشـارة المعنـى لمثلـك دلالــه
هذي تجاريبي بوقتـي ومـا صـار=مـر ٍ تزيـن ومـر هـم وملالـه