يافكري اللي بالفضاء تخرق الحوم= وش عاد باقي بالذواري يهمه
يابنت انا من لذة النوم محروم=ادرج مع البيداء على غير يمه
لا صار فالغيبه شقا كل مهموم=سوات من يشرب من الكوب سمه
ماعاد لي وجهه على الدرب منجوم=يمسح سموم القيظ بطراف كمه
لو كان بالدنيا خلق مثلها توم=يبقى غلاها مالكٍ راس قمه
تيتم بقايا الفرس من غزوة الروم=توردك سام الحق في بطن جمه
احدٍ خبر له نبض في قلب ملموم= يفتك عظيم الشوق بعروق دمه
فايز بن مشحن