تكفى ياابن شلاح ياريس القوم=اخذ الرساله والفلك يستديري
الباديه راحت لعتبان وابقوم=والزود عنهم صار بسم المطيري
وانا ياابن شلاح ماني بمحروم=الحارثي في مجتمعكم خشيري
الحارثي كنه عن الشرب ملطوم=ضامي ولا يبغى شراب الغديري
ارسلت لك خط مزرف ومرقوم=بالحبر الاخضر مثل نقش الحريري
وقعت في رجوى ردوده مية يوم=وابطى وكنك ناطله جوف بيري
تعرفو خطي ترى الخط مرسوم=بسمي واسم جدي ولا هو لغيري
سلمتها لموزع الخط تسلوم=واليا غدت يامال حوس المريري
انا دخيلك من هل الباع والسوم=اللي يحطون الصغير كبيري
قصايدي ضاعت ولاني بمليوم=يامن يدورها ومن هو بشيري
واليا غدت شي مدبر ومقسوم=وياجعل في ماتكره النفس خيري
الشعر مغزى مع سواليف وعلوم=واليا انكسر ماله جناح يطيري
ماني مثل من ضيع الدرب منجوم=اعرف مسار الليل واعرف مسيري
اليا زرعنا البر مانزرع الثوم=والبر ماينحط فوق الشعيري
اشوف لي شي يصحي من النوم=بكتب جوابي وارفعه للاميري
انته من اول تنزل الواد ابو دوم=وتشيل بيتك فوق ظهر البعيري
وتحسنت دنياك يوم بعد يوم=عقب البداوه صرت مثل الوزيري
يانمر صك الباب وتعيش وتدوم=تسلم بسير يم راعي عسيري