في وصفك تذوب جبال
هلابك والقصايد دامها في حضرتك تختـال=بيوت الشعر في وصفك عن الشعر ترقابـي
انا ماقول شعري جزل لكن الوصوف جـزال=غلب وصفك وصوف الغيد الاياقمة اعجابي
انا لامن كتبت الشعر في وصفك تذوب جبال=لا والله لاكتبتك فالقصيده ذابـت اعصابـي
احبك كلمة ٍ لكن ماهي في هواك تقـال=انا ودي بكلمه عن كـلام الحـب تزهابـي
ابي كلمه لك لوحدك وفيك يقولها رحـاال=ابي كلمة تعدت كلمة احيـا بـك وتحيابـي
وابي قاموس في حبك وابكتبك حكم وامثـال=وابخلد رواية حبنـا فـي صفحـة كتابـي
وابكتب في سما العشاق وانحت للغلا تمثـال=وابوضح لكل الناس حبـك كيـف سوابـي
احبك كثر ضحكاتك واحبك كثر دمعك سال=واحبك كثر ماتشتاق لامـن غبـت بغيابـي
واحبك كثر خطواتك واحبك كثر قدك مال=واحبك كثر مايروي سحابك يابس اعشابـي
احبك حب لو قلته يزلـزل رغبـة العـذال=يغيض اقصى عذول ولايفكر لـو بعتابـي
احبك من هنا يالين يصبـح حبنـا اطـلال=وتدفن فالثرا وانا يغطـي جسمـي ترابـي
توقيع : أبن جبري | الخيل ورث النشاما من قديم الزمان=ياعاشق الخيل حذرى تفلت الجامها
قحص المهار الاصيله في غلاها مدان=واجدادنا بالبيارق رزة اعلامها
لكن يابو علي جود لجام الحصان=مثل المطيه ليا قبضت فخطامها
صح لسانك يالغربي
الايمي بالخيل بالهون بالهون // لا يالسنافي كب عنك العذايل
للخيل حبٍ داخل القلب مكنـون // احبهـا من حبهـا لتخايــل
رمز الشجاعه والفخر كان تدرون // اقسم بها الرحمن منشي المخايل
الخيل فيها الخير ثابت ومسنون // وصى بها محمد وديع الرسايل
ومن عرض ما جاء في المثايل يقولون // الخيل عزن للرجال وشكايل
منها كسبنا معرفة كل دندون // اعيال الرجال اللي تشيل الثقايل |
التعديل الأخير تم بواسطة الغريق الشدادي ; 01 Sep 2010 الساعة 11:24 PM
|