سلام الله سلام إسلام ندخل به مع البيبان=على عز و معزة يوم غيري يطمر الطاقه
ليا شفت البرينيسي يشيل العود أبو دخان=أقول الله يحيي صاحبي و انحر له الناقـه

هلا يا مرحبا في حلة الظفران و الشجعان=رجال أيمانهم دايم على الجزلات سباقـه
ترى نيراننا حية و نذخرها لذي عـدوان=و لكن أنت من ربعي و من عربان صداقه

و ألا يا ليل يا ليل السعد يا فلان يا ابن فلان=تهوش و تنثني و الخيل في الميـدان لحّاقـه
أنا القاضي و أنا من فعلكم راضي و أنا زعلان=و أنا ما ابغا ك تشعلها ترى العربـان برّاقـه

يا فيصل يا ولد زايد ألا يا طير ابـن برمـان=لنا الأفعال و السمعة تجي قاطعـة ٍ الساقـه
وش اللي مزعلك يا هالحكيم أورد لنا برهان=لأجل نرضيك و نبرد كبود ٍ حيـل حراقـه

ترى ربعك عطوك السيف أبو حدين و بنت حصان=ولكن يـا ولـد حـذراك بيتـك تفتـق ارواقـه
و أنا ما ابغا رفيق ٍ في البلـد ما لـه و لا عنـوان=ليا منا رسلنـا لـه رسايـل ضاعـت اوراقـه

زمان ٍ راح يوم أن الوغى شبت لها نيران=ثنينا دونها يوم أن بعض النـاس بواقـه
أنا موجود يا فيصل يميني تكرم الضيفـان=و لاني مثل ناس ٍ لا لفاها الضيف دراقـه

ليا منا هبطنا السوق نشري غالي الأثمـان=نبيع و نشتري و ألا الحرامي جاتـه اسراقـه
و ألا يا شاعر ٍ في اللعب لا رابح و لا خسران=تريح و أسترح لا صار مالك في الحمل طاقه

ليا منك هبطت السوق كفك ما هو بربحان=بعد ما جاه هامور الشراء و البيع و احتاقه
ترى هاللعب كبته عليكم و أنشد الفهمان=و أنا مغنيني الله يوم فيصل يشكي الفاقه