الا يالله طلبناك المعونه=على الايام واحداث السنينا
سنين عجاف ما فيها ليونه=نفذ صبر الرجال الصابرينا
قضى اللي في زمنهم يجمعونه=تناثر باليسار وباليمينا
كريم الكف قد جفت صحونه=خلي كفوف يصفق باليدينا
يقول ان الزمن جنت جنونه=عسى وقت الرخى يرجع علينا
زمن ضيف الجماعه يعزمونه=عوايد للرجال الاولينا
ومن حده زمانه يمّنونه=بحد السيف والرمح السنينا
وانا اقول الزمن ما اختل لونه=( نعيب زماننا والعيب فينا)
هدفنا تقصر الهقوات دونه=ونرجع خاسرين اليا غزينا
وشاهدنا كلاماً تسمعونه=مضى فعل الرجال الطيبينا
سعد العضياني=