08 May 2005, 12:15 AM
|
|
ماكل ومشراب
طار الكرى عن موق عنيني وفرى =يا قشر عيني نومها اليوم ماطاب
لاشك وسط النفس باصدر حرى =همً يقلبني على كيف ماجاب
همً يزايمني وهماً يمرى =همً انا وياه في هوش وطلاب
وهمً يحربني بسيوف كسرى =وانا عليه اصبر ولا اقول جاب
لانه يغث النفس في كل مرى =واسري معه ضايق ومتوتر اعصاب
بسباب من هو صابني بالمضرى =وهذي مقادير الزمن دوم بكتاب
ابو جديلاً فوق متنه يثرى=والخد براقً سرى يسهب اسهاب
ودي اجتماعً بالغضي في مسرى=ونرحل ونترك ما مضى خلف الاعقاب
نرحل لعالم مايعرف المدرى =الحب للعشاق مأكل ومشراب
عيونهم ترسل بيانات سرى =ترسل من العاشق الى خله خطاب
والقلب يسعد والنواظر تمرى=والهرج ما بين المحبين بأهداب
|