سلامي على ربعي هل الموقف الغصّاب=يولف لها علم الفخر من تجاربها
قبيلة لها موقف يسطرّ بوسط كتاب=يضاف لمواقف مجدها يوم نحسبها
دعانا الأمير بليلة تشبه الحرّاب=وجمعنا الفلوس اللي تفكك نشايبها
ووجه خطابن للقبيلة ياوي خطاب=خطاب الشيوخ اللي تحس بمناصبها
وقال ادعمو متعب ولا تحسبون حساب=ودعمنا بشيكن كان في الجمع جايبها
تناخوا بني شداد يا لله ياطلاب=ولا خير في لحية ما تحمى شواربها
لهم شاعرن يوم المواقف ثبت ماهاب=يخوض المعاني تقل فنجال يشربها
وردنا البنوك تقول عدّ لنا شرّاب=وصرنا عملائها لين تقفل بوايبها
ثلاثة شهور معطلين العمل وغياب=نرشح على الساحة شبابن وشايبها
ومنّا رجالن دعمهم لحظة ماغاب=بطايق على الساحة مطر من سحايبها
هذاك ابو ثامر شيخن مجرّي الهياب=يا سلطان بن عايض لك البيض ننصبها
ومطلق ولد عالي له الفخر والإعجاب =عطاني وعد في كلمته ثم وفبها
ياعلي القضاع الخامس اللي منه ماخاب=ليا قلت الوزنة عليهم يقومبها
وأبو فوزي اللي موقفه ماعليه حجاب=نجاح القبيلة هو سبب من سبايبها
وحنا عيال العود ليّا كظت الأنياب=تشيل الحمول الكايدات بمناكبها
ومنّا أبو عادل وإن حضر تسهل الأصعاب=ليّا نشفت الأرياق تسهل مصايبها
ولو بذكر أسماء من دعم كان قافي شاب=لكن اعذروني والزمن مابيحجبها