يالله يامسير هبوب الرياحي=من حكمتك تنش المزون ورعدها
ياعبيد فاح الصدر بالهيض فاحي=وجتني بيوت ازريت لحصي عددها
حنا سمعنا شاعرن بالضواحي=وشاقتني بيوته بعد ماقصدها
اول بيوته شرب عدن قراحي=وقفت عليه التالية ماوجدها
وش عرضه صقرن كسير الجناحي=يلحق صقورن صيدها في هددها
وياعبيد راسن ماضري بالنطاحي=روسن صليبة لا يجي في بلدها
حنا الشدادين اهل هدف الرماحي=كم شيخ قومن حطته في لحدها
حنا ليا نادى مناد الصباحي=عدونا اصبح ليلته مارقدها
الضيف نذبح له خيار المراحي=وعلى تراحيبن يكثر رددها
ونفدى الخوي بالروح واله السماحي=هذي شيم جدان عشنا بعدها
ومن دور عيوب العرب ماستراحي=همن عليه وعيشته في نكدها
خله يولي جعل يمحاه ماحي=للموت نفسن ذلها ماسعدها
الطيب للي ضارين بالفلاحي=ربعه ليا نادى المنادي سندها
شوره يفرج لك وفيه النجاحي=ورأيه يشد بيوت مقبل هددها