شبكة الشدادين - عرض مشاركة واحدة

الملف الشخصي للكاتب · توقيع : بـنت الغامدي

...

الحزن ماله بعض الاحيان , تفسير
. . . . . . حتى ولو يترك بوجهك .. علامه

يلي تعبت .. إمن الجفا و المعاذير !
. . . . . . مثلك كبيره طيحته , و إنهزامه !

هذا انت تقطع للطموح .. المشاوير
. . . . . . وتذّب هامه ثم تطمح .. ل/هامه

لا تقول حزنك غير , قل طيحتك غير !
. . . . . . وإكسر خضوعك .. بالصبر و إبتسامه !

وإليا ظميت , وما بقا للصبر .. بير !
. . . . . . إرسم على حد الرجاوي .. غمامه !

بتشوف في رمضى زمانك , تباشير
. . . . . . وبتطير من غصن الأماني .. حمامه

عيش إ/متفائل و إعرف ان ربك كبير
. . . . . . ما ظام منهو , جاير الوقت .. ظامه

على الأقل , صبرك على الحزن تكفير !
. . . . . . عن ذنب معمي , عين قلبك ظلامه !

وكذاب قايل .. دنيَتك ما بها خير !
. . . . . . { لله حكمه , في تصرف أنامه }

عشنا بذالدنيا , و نبقا مسايير !
. . . . . . وكل ٍ بيحصد , مازرع من أثامه !

و عمر البنادم , حتى لو يبطي قصير
. . . . . . و يعيش له ذكره .. و تدفنْه خامه !

و أنا .. يلو كثِرت علّي المخاسير
. . . . . . يكفي ضميري , ما خسرت إحترامه !

ومدري وش صار , أو ويش بيصير !
. . . . . . تايه , على حد الأمل .. و إنعدامه

تصدق لي الدمعه , ليا خان تعبير
. . . . . . و إليا تباطا , جفن عيني .. منامه !

ويضيع بالي .. بين سجّه و تفكير
. . . . . . ولا كسبت .. إلا التعب , و إهتمامه

ويلعب بي الغربي , ليا ذعذع عصير
. . . . . . و أفقد خفوقي .. لا سرابه هيامه !

ياوين ابلقا .. ي/ آخر الصد تبرير !
. . . . . . للي ترك , في خد الأيام .. شامه !

اقفا و قصّر بي .. ولا جاه تقصير
. . . . . . وشلون حتى .. باخل ٍ بي سلامه !

لاشك , يبقا له معزّه و تقدير
. . . . . . و ما زال , ذا قدره .. و هذا مقامه

و يا صاحبي , لو إخذلتْك المقادير
. . . . . . لا تنكسر , لو كان .. مابه سلامه

شفني خسرت كثير و كثير و كثير !
. . . . . . ومازلت أعيش .. و راس مالي كرامه !