ياراكب اللي كل مادست له دوس=قام يتمزع فالطريق بشراسه
جيب يخلي صدر راعيه مانوس=ومعاون السواق زايد حماسه
اف جي كروز ابيض من القوس للقوس=يعمي عيون اهل الحسد والنجاسه
في رزته هيبه وبالزين محروس=واليا مشى فالدرب حاز الرياسه
واليا اعترض في دربه حيود وطعوس=يجتازها ماعطلته العكاسه
ما ساقه اللي لا سرى ليله يهوس=ساقه شجيع درب الاهوال داسه
قرم لبس للطيب والعز ملبوس=مشعل لبس للعز ثوب مقاسه
هو محزمي لاعود الحق مدسود=فعايله لاهل المواقف دراسه
يا مشعل اقضب طارته وانت سنعوس=بعطيك قاف حاز كل الفراسه
رح وصله للي كسب كل ناموس =عيفان نومس كل ربعه وناسه
عيفان ابن عايض على الطاله ايروس=يكسب وفاء وامجاد من طيب راسه
ياقف وتكفي وقفته ناس جلوس=واليا ارتكى للحمل مالان باسه
كريم ومدندن ومن روس بنيوس=ماهوب من قوم الحسد والبلاسه
شجيع وامجاده لخلق الله دروس =عيفان بن جحفان والطيب ساسه
شاعر وعنده للجزيلات قامووس=والجزل ياضح ماعليه انطماسه
وانته يابو عايض للاخصام كابوس=والعز يبقى ماتجيه انتكاسه.
يوم الردي عقله من الجهل متروس=سهل على العريف وضع افتراسه
والريس اللي تالي الوقت مريوس=كرسيه طار.وﻻ بقي له حراسه.
ما عاد له منصب ولو يدفع فلوس =والوقت اﻻقشر حد سيفه وفاسه
كم من شجيع داخل الحبس محبوس=مظلوم والتهمه قضية سياسه
يهل دمعه. بين طيب وجاسوس=بعد اليسر عاش العسر والتعاسه
واللي منول راعي بنوز وجموس =ويجلى على قطع الخرايم عماسه
اصبح يعيش بواقع غير ملموس=حتى كبر همه وحزنه وياسه.
راع الوفاء حظه بها الوقت معكوس=وقت يعز اهل الرداء والطفاسه
على جميع الروس قد سلط الموس=والدرس ماهو درس كرسي وماسه
درس صعيب ومن قبل غير مدروس =تبين جودة معدنه من نحاسه
والسني اللي بين شيعه وهندوس=ما ظنتي يقدر يطول حساسه
الواقع محطم وله وجه منحوس =والفكر ما ينفع بليا فراسه